Элчин сайдууд томилогдлоо

 

Гэрэл зургийг Б.Бямба-Очир /mpa.mn/

УИХ-ын чуулганы өнөөдрийн хуралдаанаар томилгоонууд хийгдлээ.

Тодруулбал, Хүний Эрхийн Үндэсний Комиссын даргаар Ж.Бямбадоржийг улираан томиллоо. 

Ж.Бямбадорж нь Москва хотын улсын их сургуулийг хуульч мэргэжлээр төгссөн, эрх зүйч мэргэжилтэй, хууль зүйн ухааны доктор цолтой.

• 1992-1996, 1996-2000, 2000-2004 онд УИХ-ын гишүүн, УИХ-ын дэд дарга,
• 2004-2010 онд Үндсэн хуулийн цэцийн дарга,
• 2010-2016 онд Хүний эрхийн үндэсний комиссын гишүүн, даргаар ажиллаж байна.

 

Дараа нь Үндсэн Хуулийн Цэцийн гишүүн П.Очирбатын бүрэн эрхийн хугацаа 2016 оны 11-р сарын 11-нд дуусгавар болсон тул дараагийн хүнийг томилох асуудлыг хэлэлцлээ.

Ингээд ҮХЦ-ийн гишүүнээр УИХ-ын гишүүн асан Д.Одбаярыг томиллоо. 

 

Д.Одбаяр нь 1967 онд Дорнод аймагт төрсөн, 49 настай, эхнэр, хүүхдүүдийн хамт амьдардаг.

• 1987 онд Москва хотын Залуучуудын дээд сургууль,
• 1997 онд Энэтхэгийн эрх зүйн Үндэсний их сургуулийг тус тус төгссөн, эрх зүйч мэргэжилтэй.
• 1987-1992 онд Дорнод аймгийн Пионерийн зөвлөл, ХЗЭ-ийн хороонд зааварлагч, зохион байгуулагч, МХЗЭ-ийн Гүйцэтгэх хороонд Тэргүүлэгч гишүүн, Монголын залуучуудын холбоонд Хяналтын зөвлөлийн дарга,
• 1997-1998 онд Хууль зүйн яаманд мэргэжилтэн, ахлах мэргэжилтэн, Олон улсын эрх зүйн тасгийн ахлагч,
• 1998-2000 онд Хууль зүйн яаманд Мэдээлэл, хяналт шинжилгээ, үнэлгээний газрын дарга, Төрийн захиргаа, удирдлагын газрын дарга, Бодлогын хэрэгжилтийг зохицуулах газрын дарга,
• 2000-2004 онд Дорнод аймгийн Засаг даргаар ажиллаж байжээ.
• 2004-2008, 2008-2012 онд Улсын Их Хурлын гишүүнээр сонгогдож,
• 2006-2007 онд Засгийн газрын гишүүн, Хууль зүй, дотоод хэргийн сайд,
• 2004-2006, 2010-2012 онд УИХ-ын Хууль зүйн байнгын хорооны даргаар ажилласан байна.
• 2013 оноос “Альтернатив энерги” ХХК-д зөвлөхөөр ажиллаж байгаа аж.

Мөн Монгол Улсын Ерөнхийлөгч бүрэн эрхийнхээ хүрээнд холбогдох хуулийн заалтуудыг үндэслэн Монгол Улсаас зарим улсад суугаа Элчин сайд нарыг эгүүлэн татаж, шинээр томилох саналаа Улсын Их Хуралтай зөвшилцөхөөр ирүүлсэн байна. Энэ дагуу Элчих сайдуудыг эгүүлэн татаж, томиллоо.

ШИНЭЭР ТОМИЛОГДСОН ЭЛЧИН САЙДУУД:

• Бүгд Найрамдах Социалист Вьетнам Улсад суух Онц бөгөөд Бүрэн эрхт Элчин сайдаар Дашийн Билэгдорж, 
• Кувейт Улсад суух Онц бөгөөд Бүрэн эрхт Элчин сайдаар Зоригтын Чинтүшиг,
• Бүгд Найрамдах Австри Улсад суух Онц бөгөөд Бүрэн эрхт Элчин сайдаар Ганхуурайн Баттунгалаг,
• Бүгд Найрамдах Турк Улсад суух Онц бөгөөд Бүрэн эрхт Элчин сайдаар Равдангийн Болд,
• Бельгийн Вант Улсад суух бөгөөд Онц бөгөөд Бүрэн эрхт Элчин сайдаар Одын Оч,
• Бүгд Найрамдах Чех Улсад суух Онц бөгөөд Бүрэн эрхт Элчин сайдаар Нямаагийн Наранбат,
• Бүгд Найрамдах Болгар Улсад суух Онц бөгөөд Бүрэн эрхт Элчин сайдаар Дашжамцын Батсайхан,
• Шведийн Вант Улсад суух Онц бөгөөд Бүрэн эрхт Элчин сайдаар Мэндсайханы Энхсайхан,
• Их Британи Умард Ирландын Нэгдсэн Вант Улсад суух Онц бөгөөд Бүрэн эрхт Элчин сайдаар Санжаагийн Баяр,
• Бүгд Найрамдах Казахстан Улсад суух Онц бөгөөд Бүрэн эрхт Элчин сайдаар Лувсангийн Баттулга нарыг Элчин сайдаар томиллоо.

ЭГҮҮЛЭН ТАТСАН ЭЛЧИН САЙДУУД:

• Монгол Улсаас Бүгд Найрамдах Социалист Вьетнам Улсад суугаа Онц бөгөөд Бүрэн эрхт Элчин сайд Д.Энхбат,
• Кувейт Улсад суугаа Онц бөгөөд Бүрэн эрхт Элчин сайд С.Энхбат,
• Бүгд Найрамдах Австри Улсад суугаа Онц бөгөөд Бүрэн эрхт Элчин сайд Г.Батжаргал,
• Бүгд Найрамдах Турк Улсад суугаа Онц бөгөөд Бүрэн эрхт Элчин сайд Б.Батхишиг,
• Бельгийн Вант Улсад суугаа Онц бөгөөд Бүрэн эрхт Элчин сайд Х.Даваадорж,
• Бүгд Найрамдах Чех Улсад суугаа Онц бөгөөд Бүрэн эрхт Элчин сайд Д.Зүмбэрэллхам,
• Бүгд Найрамдах Болгар Улсад суугаа Онц бөгөөд Бүрэн эрхт Элчин сайд Л.Дүгэржав,
• Шведийн Вант Улсад суугаа Онц бөгөөд Бүрэн эрхт Элчин сайд З.Алтай,
• Их Британи, Умард Ирландын Нэгдсэн Вант Улсад суугаа Онц бөгөөд Бүрэн эрхт Элчин сайд Н.Тулга,
• Бүгд Найрамдах Казахстан Улсад суугаа Онц бөгөөд Бүрэн эрхт Элчин сайд Ж.Сүхээ нарыг УИХ-ын гишүүдийн 93.9 хувийн саналаар эгүүлэн татлаа.