“Dreamers’ Day”: Янзтай сайхан өдөр

- “Мөрөөдөгчдийн өдөр”-ийн шинэ улирал дуусаж байна, гэхдээ мөрөөдөл дуусахгүй -

“Алтан хальс” кино холбоо “Dreamers’ Day” кино өдөрлөгийнхөө долоо дахь улирлыг найруулагч Дон Херцфельдийн “Янзтай сайхан өдөр” (It’s such a beautiful day) киногоор хаах гэж байна. Энэ киног албан ёсны эрхтэйгээр гаргаж буй. Уг бүтээлийг бид өнгөрсөн жил зохион байгуулсан “Алтан хальс олон улсын андерграунд кино наадам”-ын нээлтийн үзвэр болгон гаргаж байсан бөгөөд тухайн үед үзэж амжаагүй хүмүүст зориулж байгаа нь энэ.

Хэдийгээр “Dreamers Day”-ийн энэ улирлын сүүлчийн үзвэр гаргаж гэж байгаа ч энэ бол бүх зүйл дууссан хэрэг биш. Ирэх намар бид ахиад кино урлагт цочроо өгсөн, үзэгчдэд олон зүйл бодуулж, харах нүд, үзэл бодолд нь гайхалтайгаар нөлөөлсөн олон шинэ “мөрөөдөл”-тэй эргэн уулзана. Мөрөөдөл хэзээ ч дуусдаггүй шиг “Мөрөөдөгчдийн өдөр” ч бас цаашид үргэлжилсээр байх болно. 

Энэ улирлын сүүлчийн үзвэрээс хоцрохгүйн тулд та энэ Бямба гарагт буюу тавдугаар сарын 14-нд 16:00 цагаас Энхтайван найрамдлын ордныг зориорой.

Дашрамд, энэ үзвэрийн үеэр тавдугаар сарын 21, 22-нд болох “Алтан хальс олон улсын андерграунд кино наадам”-ын тасалбарыг худалдаж эхлэх аж. 

Дэлгэрэнгүй мэдээллийг 99069635, 88003329 дугаараас аваарай.