СУ-24 онгоцны хар хайрцгийг олжээ

Туркийн талын унагасан Оросын СУ-24 онгоцны хар хайрцгийг олсноо ОХУ-ын батлан хамгаалахын сайд Сергей Шойгу ерөнхийлөгч Владимир Путинд өчигдөр буюу Мягмар гарагт Москвад болсон уулзалтын үеэр үзүүлжээ.

Сирийн тусгай хүчнийхэн унасан онгоцны нисгэгчийг суллах ажиллагаанаас гадна СУ-24 онгоцны унасан газраас хар хайрцгийг олж авах ажиллагаа явуулсан байна.

ОХУ-ын ерөнхийлөгч Владимир Путин хар хайрцгийн мэдээллийг задалж үзэхдээ олон улсын экспертүүдийн хамт хийхийг сайдад даалгасан байна.

Путин “Миний ойлгож байгаагаар кодлогдсон нислэгийн мэдээллээс бид СУ-24 онгоцны хөөрснөөс эхлээд газардсан цэг хүртлэх бүх мэдээллийг авах боломж гарна” гэлээ.

Тэр мөн “уг мэдээллийг задлах ажиллагаанд сонирхсон хүн бүрийг оруулах хэрэгтэй” гэжээ.

Ингэснээр СУ-24 онгоц үнэхээр Туркийн хилийг давсан эсэх мэдээлэл ил болно гэж үзэж байна.

Эх сурвалж: Russia Today