Өнгөрсөн Мягмар гарагт Австралийн Мелбурн хот дахь Apple-ын дэлгүүрт үйлчлүүлэхээр ирсэн дунд сургуулийн зургаан сурагчийг "хулгай хийж магадгүй" гэсэн шалтгаанаар дэлгүүрт оруулаагүй байна.
Сурагчдын хийсэн видео бичлэг дээр дэлгүүрийн ажилтан хүүхдүүдийг явахыг шаардаж байгааг харуулжээ. Хүүхдүүд эсэргүүцэхэд ажилтан "яриа дууслаа, эндээс явна уу" хэмээн хэлж байгаа нь бичигдсэн байна.
Зургаан жаал өнгөт арьстан байсан нь үүнд нөлөөлсөн бололтой.
Уг видео онлайн сүлжээгээр тарсны дараа Apple компани уучлалт гуйж, дэлгүүрийн ажилтан зургаан сурагч болон сургуулийнх нь захирлаас уучлалт гуйснаар хэрэг дуусчээ.
Сурагчид ч авсан арга хэмжээнд сэтгэл хангалуун байгаагаа илэрхийлсэн байна.
Эх сурвалж: Business Insider