Тус дэлгүүр нь манай улсын нэрийн хуудас болсон органик ноолууран бүтээгдэхүүнийг дагнан борлуулах юм. 

Дэлгүүрийн дотоод заслыг байгалийн дулаан өнгөөр шийдэж, өвөрмөцөөр тохижуулсан бөгөөд өдөрт дунджаар 200  хэрэглэгч үйлчлүүлж байна. “Говь” ХК  “Галерея” худалдааны төвд гэрээт дэлгүүрээ нээснээр, ОХУ-ын зах зээлд нийт 33 салбар дэлгүүртэй болж байгаа юм. 

Монгол орон дэлхийн хаана ч байхгүй 4 өнгийн ямаатай.

Цагаан, цайвар шаргал, хөх саарал, бор өнгийн ноолуур бүр нь өөр өөрийн гэсэн онцлог, содон төрхийг агуулдаг бөгөөд гоо сайхан, унаган байдлыг өөртөө шингээсэн цэвэр байгалийн гаралтай бүтээгдэхүүн юм.

Ноолуурын салбарт тэргүүлэгч  “Говь” ХК нь үйлдвэрлэлийн аль ч шатанд ноолуурын органик байдлыг нь алдагдуулаагүй, будаагүй, цайруулаагүй эцсийн бүтээгдэхүүнийг үйлдвэрлэж байна. Энэ бол “Gobi-Mongolian Organic cashmere” брэнд юм.

Сонирхуулахад, “Говь” ХК-ийн үйлдвэрийн байр нь Монгол улсын нэрийн хуудас болсон 4 өнгийн ноолуур болон түүний эзлэх хувийг бэлгэддэг байна. 

 

 

“Говь” ХК жилд дунджаар 800 мянган ширхэг сүлжмэл, 25 мянган ширхэг оёмол бүтээгдэхүүн, 350 мянган уртааш метр нэхмэл бүтээгдэхүүн тус тус үйлдвэрлэн дотоод болон гадаадын зах зээлд худалдаалж байна.

Дэлхийн 30 гаруй орны 140-өөд харилцагчдад бүтээгдэхүүнээ экспортолдог “Говь” компанийн хувьд, Герман, Польш, Швейцарь, ОХУ зэрэг нийт 12 улсад 51 салбар дэлгүүртэй бөгөөд цаашид борлуулалтын сувгаа нэмэгдүүлж, франчайзинг хэлбэрээр гадаадын зах зээлээ өргөжүүлэхээр эрчимтэй ажиллаж байна. 2015 онд л гэхэд гэхэд Хятад, Швейцарь, ОХУ, Бельги зэрэг улсын нийт 7 хотод салбар дэлгүүрээ нээгээд байна.

Мөн Япон, Монголын хооронд байгуулсан эдийн засгийн түншлэлийн хэлэлцээрийг угтаж, Токио хотын Аракава дүүрэгт салбар оффисоо нээхээр бэлтгэл ажлаа хангажээ. 

---

Франчайзинг дэлгүүрийн ерөнхий нөхцөл

Ноолуурын салбарт тэргүүлэгч “Говь” ХК бизнесийн салбарт хөл тавьж байгаа худалдаа эрхлэгчдэд тохирсон хамгийн уян хатан нөхцлийг санал болгож байна.

Тус компани өөрийн  нэрийн салбар дэлгүүрүүдээрээ дамжуулан  бүтээгдэхүүнээ борлуулаад зогсохгүй, бизнесийн арга барилыг  хөгжүүлэн хилийн чанад дахь салбар дэлгүүрийн тоог нэмэгдүүлэхийг зорин ажиллаж байгаа юм.

Франчайзингийн эрх авагч нартаа доорх боломжуудыг олгодог.

Үүнд:

• Борлуулалтын албан ёсны эрх
• Үнийн уян хатан бодлого
• Ноолууран бүтээгдэхүүний хувьд зөвхөн “Говь” ХК-ий бүтээгдэхүүнийг зарах

Шинээр   дэлгүүр нээхэд Франчайзингийн эрх   авагч талаас гарах  хөрөнгө оруулалтын  чиглэл.

Үүнд:

1. Дэлгүүрийн тоног төхөөрөмж, засвар үйлчилгээ
2. Эхний ээлжийн бүтээгдэхүүн татан авалт /1мкв-д 1000ам доллар/

Дэлгүүрийн тохижилт, тоног төхөөрөмж, засвар үйлчилгээний зардал тухайн улс орон,  дэлгүүрийн байршил, хэмжээ зэргээс хамааран өөр өөр байна.

Говь ХК нь дэлгүүрийн дотоод болон гадаад заслын талаар загвар гаргаж зөвлөгөө өгнө.

 

Хамтын ажиллагааны нөхцөлүүд, шат дараалал

• Өөрийн зах зээл хариуцсан Гадаад худалдааны менежертэй холбоо барин, хүсэлтээ уламжлах
• Шаардлагатай бичиг баримтуудаа шалгуулах /компаний гэрчилгээ, санхүүгийн баримт бичиг гм/
• Бизнесийн төлөвлөгөөтэй танилцан, үнэлгээ өгөх
• Дэлгүүрийн байршил, тохижилт, тоног төхөөрөмжийн төлөвлөгөөтэй танилцах, үнэлгээ хийх
• Хамтын ажиллагааны нөхцөлүүдийг тохирох
• Гэрээ байгуулах /гэрээний нөхцөлүүд дэлгүүрийн байршил гэх мэт хэд хэдэн хүчин зүйлээс шалтгаална/
• Нээлтийн өдрөө төлөвлөх, тохирох
• Дэлгүүрийн тохижилтын явцыг хянах, зөвлөгөө, үнэлгээ өгөх
• Бүтээгдэхүүн татан авалтыг хийх

Дэлгүүрийн байршил, тохижилтонд тавигдах шаардлага

Дэлгүүрийн байршил, тохижилт нь бизнесийн амжилтанд маш их нөлөөлдөг.

Байршлыг харуулахдаа тухайн хэсгийн газрын зураг дээр дүрслэн, гадаад, дотоод тохижилт, давхрын төлөвлөгөө, инженерийн шугам сүлжээг тодорхой харуулан, хууль ёсны бичиг баримт, түрээсийн нөхцөлүүд гэх мэт маш нарийвчилсан мэдээллийг өгөх хэрэгтэй.

Тухайн дэлгүүр доорх шаардлагыг хангасан байх.

• Хамгийн багадаа 50 мкв байх
• Түрээсийн хугацаа хамгийн багадаа 5 жил байх
• Говийн стандарт хаяг, логог ашиглах
• Дэлгүүрийн нэр “Gobi” эсвэл ”by Gobi” гэсэн үгийг агуулсан байх
• Ноолууран бүтээгдэхүүний хувьд зөвхөн Говь ХК-ий бүтээгдэхүүнийг зарах
• Хамгийн багадаа эрэгтэй, эмэгтэй, акксесуар гэсэн 3 тусдаа тасагтай байх
• Кассны машин суурилуулсан байх
• Хувцас солих өрөөтэй байх
• Бүтээгдэхүүнийг аюулгүй хадгалах агуулахтай байх
• Зөвшөөрөгдсөн машины зогсоолтой байх

Дэлгүүр нээсний дараах тогтвортой хамтын ажиллагааны дэмжлэг.

• Маркетинг, сурталчилгааг дэмжих бодлого
• Бүтээгдэхүүний сонголтонд өгөх зөвлөгөө
• Борлуулалт болон  бүтээгдэхүүний чиглэлээр өгөх шат дараалсан зөвлөгөө
• Шаардлагатай үед компаниас төлөөлөгч газар дээр нь очиж мэргэжлийн зөвлөгөө өгөх, туслалцаа үзүүлэх

 Франчайзингийн хэрэгжүүлэгчийн эрх

• Франчайзингийн эрх авагч нь  Франчайзингийг  сайжруулах талаар өөрийн саналаа Говь ХК –д хэлэлцүүлэх эрхтэй
• Франчайзингийн эрх авагч нь  тухайн орны онцлогт нийцсэн өөрийн загварыг говийн шошгоор   үйлдвэрлүүлэх эрхтэй
• Франчайзингийн эрх авагч нь  эх загвараа  хямдралтай буюу захиалгын үнээр үйлдвэрлүүлэх эрхтэй
• Франчайзингийн эрх авагч нь өөрийн борлуулалтанд шаардлагатай гэсэн мэдээлэлүүдийг Говь компаниас авах эрхтэй
• Хэрэв чанарын гологдолтой бараа нийлүүлэгдсэн тохиолдолд  ажлын 7 хоногт багтаан хариуцсан  менежертээ мэдэгдэн  буцаах буюу  сольж авах эрхтэй

 

Говь ХК-ий зүгээс үзүүлэх дэмжлэг

---

Манай компаний зүгээс тухайн бизнесийн үйл ажиллагааг бүхий л талаар дэмжих болно.

Гол дэмжлэгүүд

• Тухайн нутаг дэвсгэрт Говь брэндийн бүтээгдэхүүн зарах онцгой эрх / тодорхой бүс, дүүрэг, хот г.м./
• Дотоодын үнээс 40%хүртэлх хямдрал
• Тодорхой үнийн дүнд зээлээр бараа олгох
• Бүтээгдэхүүн сонголтонд шат дараалсан зөвлөгөө  өгөх
• Говь нэрийн шошгоорФранчайзинг хэрэгжүүлэгчийн  загвараар бүтээгдэхүүн нийлүүлэх.   ( Загвар нь тухайн орны онцлог болоод  өв уламжлалд нийцсэн   загвар байж болно )
• Чанарын асуудалтайбүтээгдэхүүнийг буцаан авах.
• Харилцагчийн хүсэлтээр компаниас тухайн дэлгүүрт очиж зөвлөгөө өгөх

Маркетингийн дэмжлэг

• Дэлгүүрийн гадна хаяг хийх зардлыг Говь ХК хариуцах
• Дэлгүүрийн нэр хаягийг Говь ХК-аас албан ёсоор гаргадаг каталогиудын ард хэвлэх, вэб хуудсанд байршуулах
• Бүтээгдэхүүний брошур, каталогиор хангах
• Сурталчилгааны зураг, видеогоор хангах
• Говь лого бүхий гялгар уут, сав баглааг бүтээгдэхүүн бүрт үнэгүй дагалдуулах
• Бэлэгний хайрцаг, тууз зэргийг үйлдвэрийн өртгөөр нь нийлүүлэх

Таны сонгосон Говийн Франчайзинг нь хэрэглэгчдийн итгэлийг хүлээсэн тав тухтай дэлгүүрүүдийн нэг байх болно. 

---

Илүү дэлгэрэнгүй мэдээлэл авахыг хүсвэл бидэнтэй холбогдоно уу.

Утас: 976-11-342910  

Факс: 00976-11-343081

export@gobi.mn, www.gobi.mn

Монголын ноос, ноолуурын салбарын анхдагч “Говь” үйлдвэр нь 1981 онд байгуулагдаж эдүгээ 30 гаруй жил тасралтгүй үйл ажиллагаагаа амжилттай явуулж байгаа үндэсний томоохон үйлдвэрлэгч юм.

Монгол ямааны 100% ноолуурыг ашиглан дэлхийн зэрэглэлийн хамгийн сүүлийн үеийн техник, технологиор үйлдвэрлэл явуулдаг “Говь” ХК нь үйлдвэрлэл, хүчин чадал, чанар, үйлчилгээ зэрэг бүх талын үзүүлэлтээрээ дэлхийн топ 5 ноолууран бүтээгдэхүүн үйлдвэрлэгчийн тоонд зүй ёсоор тооцогддог билээ.

Өнөөдөр гадаадын зах зээлд дэлхийн 30 гаруй орны 150 гаруй харилцагчиддаа “Монголдүйлдвэрлэв” гэсэн шошготойгоор 100% ноолууран, тэмээний ноосон болон сарлагийн хөөврөн бүтээгдэхүүнээ нийлүүлж байгаа бөгөөд дотоодын зах зээлийн 66 хувийг дангаар эзэлж байна. 

 

Зураг дээр дарж ТОМООР үзэх боломжтой