ЮНИТЕЛ: Ирээдүйн зүг ТҮРҮҮЛЖ АЛХСАН 20 жилээ үдэж, илүү зоримог дараагийн алхамдаа хөл тавилаа

Брэндийн өнгө төрхөө шинэчилж
илүү тодоор асав

Өнгөрсөн 20 жилийн хугацаанд тэд үүрэн холбооны оператор компаниас дижитал экосистемийг бүрдүүлэгч 20 гаруй охин компанитай групп компани болон өргөжжээ. Тэд өнгөрсөн түүхээ дурсахаас илүүтэй ирээдүй рүүгээ харсан цоо шинэ мөчлөг, дараагийн үе рүүгээ шилжих шилжилт тохиож байгаагаа илэрхийлэн брэндийнхээ өнгө төрхийг дараах байдлаар шинэчилсэн байна.

Энэхүү шинэчлэл нь зөвхөн лого бус, брэндийн үнэт зүйл, ирээдүйн чиг хандлагыг илэрхийлсэн цогц rebranding ажээ.

Юнителийн таних тэмдэг болсон арга билгийг үндсэн хэлбэрийг нь хадгалан илүү цэгцтэй, тэнцвэртэй зохиомжтой болгон шинэчилсэн байна.

Хэрэглэгчдийн ой тойнд хоногшсон логоны танил дүр төрхөө хадгалсан ч илүү минимал, орчин үеийн визуал системд шилжиж, өргөн бичиглэлээрээ бизнесийн тэлэлт, өсөлтийг бэлгэдсэн байна. Харин ирээдүйг илэрхийлэх өнгө аяс, үсгийн нарийн сэтлэлтүүд нь тасралтгүй шинэчлэгдэж, ирээдүйн өөрчлөлтөд бэлэн байх философийг илэрхийлжээ.

Түрүүлж алхдаг брэндийн хувьд тэд ойн баяраараа Монголд урьд өмнө хийгдэж байгаагүй цоо шинэ мэдрэмж өгсөн нэгэн төслийг хэрэгжүүлсэн нь дүрслэл, дуу, орон зайн нэгэн цул болсон "Urtuu Immersive Experience" үзэсгэлэн байсан юм.

Тус үзэсгэлэнгээр Монголчуудын 20,000 жилийн харилцаа холбооны түүхийг Хүннү гүрэн, Морин өртөөний системээс эхлээд өнөө үе хүртэл өндөр түвшний 360 градусын дуу, дүрсний технологиор амилуулан үзүүлсэн нь бүс нутагтаа анхдагч бөгөөд дэлхийн соёл, технологийн чиг хандлагатай хөл нийлүүлсэн бүтээл болжээ.

Хаданд сүг зургууд амилж, хананы цаана морьд янцгаана. Анхны цахилгаан утас өрөөнд хангинаж, үл тасрах холбоо дэргэд хүүрнэсэн энэхүү сонирхолтой үзэсгэлэнгээр Юнител групп гаднын бэлэн үзвэр худалдан авахын оронд Монголынхоо түүхийг, тэр дундаа харилцаа холбооны баялаг түүхийг дижитал хэлбэрээр мөнхөлж үлдээхийг зорьжээ.   

13-р зууны Монголчуудын бий болгосон "Өртөө" систем бол тухайн үеийнхээ интернэт сүлжээг бий болгосон, орчин цагийн харилцаа холбооны суурь инновац юм. Хил хязгааргүй технологийн эрин үед Монголын инженер залуус, компаниуд дараагийн дэлхийд тамгалагдах Шинэ Өртөөг бий болгохыг бэлгэдэж энэхүү нэрийг өгсөн байна.   

Энэхүү нүсэр төслийн ард 7 орны 300 гаруй мэргэжилтэн бүхий 20 орчим баг хамтран ажилласан байна. Зөвхөн маркетингийн багаас 60 гаруй хүн ажилласан бөгөөд технологи, түүх археологи, дуу хөгжим, барилга угсралт гээд олон төрлийн багууд соёл болон орон зайн ялгааг арилган нэг зорилго дор нэгджээ.  

Үүний үр дүнд Монголын залууст түүхээрээ бахархах сэдэл өгсөн цоо шинэ дижитал соёлын өв бүтээгдээд зогсохгүй, бүтээлч шийдэл, нүсэр төслийг удирдах "know-how" туршлагыг эх орондоо авч үлдсэн үнэ цэнтэй ажил болсонийг тэд онцлов.  

Түүнчлэн Юнител нь мэдээллийн технологи, харилцаа холбооны групп компани ба соёлын өвийг сэргээн өвлүүлэх зорилгоор дотоодынхоо шинжлэх ухааны байгууллагууд (ШУА, МУИС) болон олон улсын уран бүтээлчидтэй хамтран, улсынхаа түүхийн томоохон контентыг эхнээс нь дуустал санхүүжүүлж, бие даан соёлын "Immersive" үзэсгэлэн нээсэн нь хувийн хэвшил өөрөө соёлын дэд бүтцийг түүчээлэн бүтээж буй олон улсад ч ховор тохиох үлгэр жишээ болжээ.  

Харилцаа холбооны салбарт шинэ өнгө төрх, шинэ технологийн шийдлийг бусдаас түрүүлж нэвтрүүлж үргэлж түүчээлж ирсэн Юнител группийнхэн 20 жилийн ойгоо тохиолдуулан баярын бэлгүүдээ задалж, гэр бүл бүрд бэлэг бэлдсэнээс гадна 20 гэр бүлд 20 СУПЕР бэлэг бэлэглэхээр болсон байна. 

Тодруулбал, Family үйлчилгээнд нэгдсэн гэр бүлүүд дундаа ашиглах 5GB дата, 20’000₮ - 1’000’000₮ хүртэлх хадгаламжийн эрх зэрэг бэлгүүдийг өгөх аж. 

Одоогоор дараах супер бэлгүүдийн эзэд тодроод байгаа юм байна.
🚗 Цоо шинэ 2026 оны RAV4 автомашин (1 гэр бүл)
💰 Мбанк-ны 10 саяын хадгаламж (4 гэр бүл)
📺 Юнивишнийн 10 жилийн эрх (5 гэр бүл)
🏠 Удахгүй 8 сарын 1-нд Active garden-д 55мкв 2 ӨРӨӨ БАЙРНЫ ЭЗНЭЭР НЭГ ГЭР БҮЛ болон Мбанкны 10 саяын эрх 4 гэр бүл, Юнивишнийн 10 жилийн эрх 5 гэр бүл тодрох аж.

Манай гэр бүлийнхэн Collective үйлчилгээнд бүртгэлтэй байсан. Сүүлд Family үйлчилгээ болж шинэчлэгдээд олон гоё боломжтой болсон байсан. Гэр бүлийн гишүүддээ дундын дата аваад супер бэлгийн эзэн болсон байна.