“Эерэг сэтгэлгээний давалгаа” сургалт өнөөдөр болно

Нийслэлийн Залуучуудын хөгжлийн газар, JCI Лидер салбар байгууллагын “Эерэг сэтгэлгээний давалгаа” ТББ-тай хамтран “Эерэг сэтгэлгээний давалгаа” цуврал сургалт, өдөрлөгийг зохион байгуулах гэж байна. Тус өдөрлөг нь нийслэлийн Иргэний танхимд өнөөдөр 16:00-18:00 цагт зохион байгуулах бөгөөд сонирхсон залуус хүрэлцэн ирж, арга хэмжээнд оролцох боломжтой.

Энэхүү цуврал сургалт, өдөрлөгийг нийслэлийн Залуучуудын хөгжлийн газраас хэрэгжүүлж байна. Аяны хүрээнд хийж байгаа бөгөөд цаашид POSITIVE MIND-Эерэг давалгаа цуврал сургалт, лекц, илтгэх ур чадвар болон англи хэлний сургалтыг  үнэ төлбөргүй зохион байгуулах, сургагч багш нарыг бэлтгэх, оюутнуудад мэргэжлийн чиг баримжаа олгох сургалт хийх, тэргүүлэгч компаниудтай танилцах аялал зохион байгуулж, оюутнуудад эзэмшиж байгаа мэргэжлийнхээ мөн чанарыг ойлгоход  дэмжлэг үзүүлэх зэрэг үйл ажиллагааг шат дараатай зохион байгуулах юм. Одоогоор “Эерэг сэтгэлгээний давалгаа” цуврал сургалтад 500 гаруй залуусыг оролцуулаад байна.  

Нийгэмд давамгайлсан сөрөг уур амьсгалыг эергээр өөрчлөх залуучуудад нэн шаардлагатай байгаа 10 зан төлөвийг төлөвшүүлэх тухайлбал хариуцлагатай, зорилготой, идэвхтэй, хамтрагч байх, эерэг байх, зэрэг зан чанар хандлагыг залуучуудад төлөвшүүлэх зорилготой юм гэж нийслэлийн Залуучуудын хөгжлийн газраас мэдээллээ.