ФОТО: Агаарын бохирдлын эсрэг бүх нийтээрээ хамтарч ажиллахыг уриаллаа

Утааны эсрэг ээж, аавуудын жагсаал 12:00 - 14:00 цагт Д.Сүхбаатарын талбайд боллоо. Жагсаалын үеэр эцэг, эхчүүд утаа гамшгийн хэмжээнд хүрсэн гэдгийг Засгийн газар хүлээн зөвшөөрөх, утааны эсрэг дорвитой арга хэмжээ авахыг шаардсан юм.

Түүнчлэн Засгийн газарт шаардах бичгээ өргөн барилаа. Тус шаардах бичигт: 

• Зайлшгүй шаардлагатай байгаа эх хүүхдийн эрүүл мэндийн асуудлыг шийдвэрлэх, өвдөөд хэвтэж байгаа хүүхэд эхчүүд, хөгшчүүдийг эрүүл агаарт сувилалд хэвтүүлэн эмчлүүлэх зэргээр яаралтай арга хэмжээ авах
• Агаарын бохирдлыг 80 хувь бууруулах
• “Тавдугаар Цахилгаан Станц”-ыг ашиглалтанд оруулах зэргийг дурдсан байна.

Энэхүү жагсаалын гол зорилго нь  хэн нэгнийг буруутгах биш бөгөөд утааны эсрэг ард иргэд, Засгийн газар бүх нийтийн оролцоо чухал гэдгийг ойлгуулж, хамтарч ажиллахыг уриалахад оршиж байгаа аж.

ФОТО:

Гэрэл зургийг Mpa.mn