АНЭУ-ын ШИНЭ Элчин сайдын яам Шангри-Ла зочид буудалд байрлаж байна

АНЭУ-ын Элчин сайдын яам Монголд нээгдэж байна. Үүнтэй холбогдуулан өнөөдөр Ерөнхийлөгч Ц.Элбэгдоржид Арабын Нэгдсэн Эмират Улсаас Монгол Улсад суух Онц бөгөөд Бүрэн эрхт Элчин сайд Абдулла Абдулрахман Абдуллабин Рабияа Аль-Тиниж өргөмжлөх жуух бичгээ барьсан билээ.

Тус улсын Элчин сайдын яамыг Монголд байгуулах төлөвлөгөө өнгөрсөн жил гарч байсан юм. АНЭУ-ын Монгол дахь Элчин сайдын яам Шангри-Ла зочид буудалд байрлаж байгаа юм байна. 

Ойрхи Дорнодын хамгийн баян улсуудын нэг АНЭУ нь 9.2 сая хүн амтай бөгөөд дэлхийн газрын тосны томоохон экспортлогч билээ. Тус улсын нэг хүнд ногдох ДНБ 2015 оны байдлаар 66,996 ам доллар бөгөөд дэлхийд долоодугаарт жагсаж байна.

 

Ерөнхийлөгч Ц.Элбэгдорж Арабын Нэгдсэн Эмират Улсаас Монгол Улсад суух Онц бөгөөд Бүрэн эрхт Элчин сайд Абдулла Абдулрахман Абдуллабин Рабияа Аль-Тинижийн хамт  /2016-02-24/