Америк хөлбөмбөгийн Каролина Пантерс, Даллас Ковбойс багт хүчин зүтгэж байсан Грэг Харди ирэх 6 дугаар сард холимог тулааны мэргэжлийн дэвжээнд анхны тулаанаа хийхээр болсон байна.
Түүний хувьд холимог тулааны сонирхогчийн дэвжээнд 3 тулаан хийж бүгдэд нь ялалт байгуулаад байгаа юм. Грэг Харди ирэх 6 дугаар сарын 13 - нд Брэндон Сэйлистэй мэргэжлийн дэвжээн дэх анхны тулаанаа хийнэ. Сэйлисийн хувьд мэргэжлийн дэвжээнд 47 ялалт авч, 20 ялагдал амссан хашир туршлагатай тамирчин юм. Гэсэн ч Грэг Хардиг эхний тулаандаа ялалт байгуулах өндөр магадлалтай гэж үзэж буй мэргэжилтнүүд олон байна.
Грэг Хардигийн хувьд 2015 оноос хойш НФЛ-д тоглоогүй бөгөөд найз бүсгүйдээ гар хүрсэн, олон нийтийн амар тайван байдлыг алдагдуулсан хэргээр хэд хэдэн удаа баривчлагдаж байсан сахилгагүй тамирчин билээ.