ҮЙЛ ЯВДАЛ: "Цусаа бэлэглэх өдөр"-ийн хүрээнд зургаан донорт тэмдэг гардуулна
The Corporate hotel Convention center 5-р давхарт
09:00 цагт "Хөдөлмөрийн аюулгүй байдал, эрүүл мэндийн тулгамдаж буй асуудал, шийдвэрлэх арга зам”, “Мэргэжлээс шалтгаалах өвчний оношилгоо, урьдчилан сэргийлэлт” сэдэвт онол практикийн бага хурал болно.
Чингис хаан нисэх онгоцны буудалд
10:00 цагт Турк Улсад болсон Гал унтраах техникийн олон төрөлт спортын Дэлхийн аварга шалгаруулах анхны хүрэл медалийг хүртсэн Онцгой байдлын албаны баг тамирчид эх орондоо ирнэ.
ЦССҮТ-ийн байранд
10:00 цагт "Цусаа бэлэглэх өдөр" өнөөдөр тохиож байна. Энэхүү өдрийн хүрээнд зургаан эрхэм донорт “Бахархал-10”, “Бахархал-20” тэмдэг гардуулж, нийтийн тээврээр бүтэн сарын турш үнэгүй зорчих карт бэлэглэнэ. Мөн энэ өдөр цусаа бэлэглэсэн бүх донорыг U Money картаар урамшуулна.
Монголбанкны 5 давхрын хурлын танхимд
11:00 цагт Улс даяар хэрэгжүүлэх "Санхүүгийн боловсрол" аяны нээлтийн арга хэмжээ болно.
Монголын залуучуудын холбооны 104 тоотод
11:00 цагт Багш нарын ажил, хаялт болон цалин нэмэхтэй холбоотой асуудлаар Монголын сурагчдын холбоо, Монголын эцэг эхчүүдийн холбооноос хэвлэлийн хурал хийнэ.
MN-Мэдээллийн төвд
11:00 цагт Үндэсний "СоСо" брэндийн бэлэн хоол үйлдвэрлэгчид Засгийн газарт хандан уриалга гаргаж мэдээлэл хийнэ.
Төрийн ордонд
12:00 цагт Монгол Улсын Ерөнхийлөгчид Унгар Улсын элчин сайд Итгэмжлэх жуух бичиг өргөн барина.
Holiday Inn зочид буудлын 1-р давхрын хурлын зааланд
17:00 цагт Бодибилдинг Фитнессийн Дэлхийн аварга шалгаруулах тэмцээний талаар мэдээлэл хийнэ.
