МАН-ын Удирдах зөвлөлийн хурал Төрийн ордонд эхэлжээ. Хурлаар Засгийн газрыг огцруулах эсэх асуудлыг хэлэлцэж байгаа юм байна.
УИХ-ын дарга УИХ-ын ээлжит бус чуулганыг Засгийн газрыг огцруулах эсэх асуудалтай холбогдуулж энэ сарын 07-ны өдрөөс өмнө хуралдах захирамж гаргасан билээ.
УИХ-ын ээлжит бус чуулганаас өмнө МАН дотооддоо Засгийн газрын тэргүүнийг огцруулах эсэх асуудлыг хэлэлцэхээр шийдсэн бололтой.
Наймдугаар сарын 23-нд МАН-ын бүлгийн нэр бүхий гишүүд Засгийн газрыг огцруулах бичгийг УИХ-д өргөн барьсан юм.
Үүний дагуу өнгөрсөн долоо хоногт намын бүлгүүд болон байнгын хороод хуралдсан.
Төрийн байгуулалтын байнгын хорооны хурлаар Засгийн газрыг огцруулах шаардлаггүй гэж үзээд байгаа.
Гэхдээ УИХ-ын ээлжит бус чуулган хуралдаж байж Засгийн газар огцрох эсэх нь тодорхой болно.