ЧАНАР 63
ЧАНАР 72
ЧАНАР 64
ЧАНАР 45
ЧАНАР 62
ЧАНАР 19
ЧАНАР 20
ЧАНАР 51
ЧАНАР 43
ЧАНАР 48
ЧАНАР
ЧАНАР 58
ЧАНАР
ЧАНАР 48
ЧАНАР 32
ЧАНАР 21
ЧАНАР 59
ЧАНАР 56
ЧАНАР 82
ФОТО: Хөшигийн хөндийн ХУРДНЫ замыг барьж эхэллээ
Улаанбаатар-Хөшигийн хөндийн олон улсын нисэх онгоцны буудал чиглэлийн хурдны авто замын бүтээн байгуулалтын ажил өнөөдөр эхэллээ.
Төв аймгийн Бөхөгийн даваанд болсон авто замын бүтээн байгуулалтын нээлтийн ажиллагаанд Монгол Улсын Ерөнхий сайд Ч.Сайханбилэг, Монгол Улсын сайд, ЗГХЭГ-ын дарга С.Баярцогт, Зам тээврийн сайд М.Зоригт, УИХ-ын гишүүн Г.Батхүү, Л.Болд, Ц.Оюунгэрэл, Сангийн яамны Төрийн нарийн бичгийн дарга Х.Ганцогт, Гадаад хэргийн яамны Төрийн нарийн бичгийн дарга Д.Ганхуяг, Монгол Улсын Засгийн газар, БНХАУ-ын Засгийн газар хоорондын комиссын хуралдаанд оролцохоор Монгол Улсад ирсэн БНХАУ-ын Худалдааны сайд Гао Хучөн, БНХАУ-аас Монгол Улсад суух Онц бөгөөд Бүрэн эрхт Элчин сайд Син Хаймин болон бусад төлөөлөгчид оролцлоо.
Ерөнхий сайд Ч.Сайханбилэг дэд бүтэц, замын салбарт шинэ түүхийн хуудас нээгдэж байна. 1938 оноос 2012 он хүртэл 74 жилийн хугацаанд нийт 2,964 км хатуу хучилттай зам барьж байгуулсан бол 2012 оноос өнөөдрийг хүртэл 4 жилийн хугацаанд зам тээврийн салбарт бүтээн байгуулалт эрчимтэй өрнөж 3,405 км зам барьж ашиглалтад орууллаа.
Энэ онд шинээр 1,535 км зам, 1,346 м төмөр бетон гүүр барина. Эдгээр олон бүтээн байгуулалтуудын онцлох бүтээн байгуулалт нь Хөшигийн хөндийн олон улсын нисэх буудал чиглэлийн хурдны замын бүтээн байгуулалт юм гэдгийг онцоллоо.
Монгол Улсын түүхэнд анх удаа хурдны зам барих гэж байна. Анхны хурдны зам Хөшигийн хөндийн олон улсын шинэ нисэх онгоцны буудлыг Улаанбаатар хоттой холбож, зорчигчдын хамгийн их явдаг замын нэг болно. Шинэ хурдны зам баригдсанаар Монгол Улсын авто замын хөгжилд шинэ хуудас нээгдэж, шинэ стандарт тогтож, шинэ технологи нэвтэрнэ. Дараа дараагийн шинэ хурдны замуудын эхлэл нь болж байна гэж Ерөнхий сайд Ч.Сайханбилэг авто замын барилгын ажлын нээлтийн үеэр хэлсэн үгэндээ тэмдэглэлээ.
Монгол Улсын Засгийн газрын 2015 оны 309 дүгээр тогтоолоор БНХАУ-ын Засгийн газраас олгох 500 сая ам.долларын экспортын хөнгөлөлттэй зээлийн хөрөнгөөр 3 чиглэлийн авто замын төслийг хэрэгжүүлэхээр шийдвэрлэсэн бөгөөд эхнийх нь Улаанбаатар-Хөшигийн хөндийн олон улсын нисэх онгоцны буудал чиглэлийн хурдны авто зам юм.
Фото
Гэрэл зургийг mpa.mn /2016.05.06/
Эх сурвалж: Засгийн газрын Хэвлэл мэдээлэл, олон нийттэй харилцах алба
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
