YouTube-ээр хамгийн их мөнгө хийдэг залуу

YouTube видео сайт хувиараа контент бүтээгчдэд мөнгө олох асар их боломж олгож байна. Ингэхийн тулд сонирхол татахуйц контент бүтээх санаа, компьютер, интернэт, камер байхад л хангалттай.

Аль болох олон хүнийг татаж чадвал Google-ын сурталчилгаанаас мөнгө олдог. Мэдээж олсон орлогоос YouTube 45%-ын суутгал авна.

Ингээд үлдсэн орлого нь видео бүтээгчдэд очдог.

Яг өнөөгийн байдлаар Феликс Арвид Улф Киелберг хэмээх энэ Швед залуу YouTube-ын од болоод байгаа юм.

PewDiePie гэдэг ник нэртэй энэ залуугийн видео суваг 23.9 сая хэрэглэгчтэй. Тэр видео тоглоомны тайлбарлагч хийдэг. Түүний видео дээр өөрөө янз бүрийн тоглоом тоглож үзүүлдэг ба буланд нь тэр тоглож байхдаа ямар үйлдэл хийж байгаа нь давхар харагддаг ажээ.

Тэр фэнүүдтэйгээ маш идэвхтэй харьцаж туслаж, мэдлэгээ хуваалцдаг.

Түүний нэг жилд олдог орлого YouTube-ын суутгалыг хассаны дараа 825 мянгаас 8.47 сая доллар хүрдэг. Мундаг байна уу?