Улаанбаатар хот дахь Сэлбэ голын дагуух шар усны үерийн нөхцөл байдлын талаар өнгөрсөн долоо хоногт ЦУОШГ-ын Урьдчилан мэдээлэх хэлтсээс дараах мэдээллийг өгсөн юм.
Сэлбэ голын эхээр мөсөн бүрхүүл ихтэй, мөсөн дээрх цас хайлмагтсан байдалтай байгаа ба голын сав газрын эхэнд цас хунгарласан хэвээр.
Сэлбэ голын адгаар мөсний хайлалтаас үүдэлтэй шар усны үер ажиглагдаж эхэлсэн байна. Усны түвшин 138 см буюу үерийн түвшинд хүрчээ. Голын урсгалын хурд 0.7-1.5м/с.
Иймд Сэлбэ голын дагуух айл өрхийг шар усны үерээс сонор сэрэмжтэй байхыг анхааруулсан юм.