Өндөр гэгээн Г.Занабазарын нэрэмжит Дүрслэх урлагийн музейд өнөөдөр "Шинэ цас" каллиграфийн үзэсгэлэн нээгдлээ.
Монгол бичиг ба урлаг сүлэлдсэн олон бүтээл тавигдсан тус үзэсгэлэн энэ сарын 9-ний өдрийг дуустал өдөр бүр 09:00-17:30 цагт олон нийтэд нээлттэй байх юм.
Сонирхуулахад уг үзэсгэлэнгийн үеэр онцгой арга хэмжээнүүд болох аж. Тухайлбал маргааш буюу дөрөвдүгээр сарын 3-ны 14:00 цагт "Монгол бичгийн уран бичлэгийн өнөөгийн байдал, соёлын биет бус өвийн хувьд хэрхэн өв уламжлагдаж байна вэ" сэдэвт хэлэлцүүлэг болно.
Харин дөрөвдүгээр сарын 4-ний Пүрэв гарагт "Шивээс Монголд хөгжихийн төлөө" нийгэмлэгийн бүтэн өдрийн арга хэмжээг зохион байгуулагдахаас гадна тухайн өдрийн 12:00 цагт каллиграфийн мастер Д.Батбаяртай хийх уулзалт товлогджээ.
Энэ мэтчилэн олон арга хэмжээ зохион байгуулахаар уран бүтээлчид нь төлөвлөсөн бөгөөд үзэгч олныг морилохыг хүслээ.