PUBGM тоглоомын "PMIC Ulaanbaatar 2024" олон улсын тэмцээний аваргын төлөөх сүүлчийн тоглолтууд энэ сарын 24-нд "AIC Steppe Arena"-д зохион байгуулагдлаа.
Тус тэмцээнд 2023 оны дэлхийн аварга IHC Esports болон шагналт байр эзэлсэн 4Merical Vibes, NB Esports тэргүүтэй Монголын есөн баг ирж оролцов.
Өчигдөр зургаан тоглолт явагдсаны эцэст манай улсын "Viking Esports" 143 оноотойгоор тэргүүн байр эзэлж 3,300 ам.долларын шагналыг хүртэв. Харин Mabatex Esports 136 оноотойгоор хоёрдугаар, NB Esports 129 гуравдугаар, IHC Esports 122 оноотойгоор дөрөвдүгээр байр эзэллээ.
Түүнчлэн тэмцээний үнэ цэнтэй тоглогчоор 4Merical Vibes багийн У.Дөлгөөн тодров. Мөн Монголд анх удаа PUBGM тоглоомын олон улсын "В" зэрэгтэй тэмцээн зохиогдож буйгаараа онцлог байлаа.