Монгол, Хятад хоёр улсын эдийн засгийн орчин, хууль, хамтын ажиллагааны боломжуудыг танилцуулах форум болно
"Худалдаачин үндэстэн-2023" анхдугаар форумыг "Дорнын түншлэл" бизнесийн зөвлөлөөс энэ сарын 11-нд зохион байгуулах гэж байна.
Энэ үеэр Монгол, Хятад хоёр улсын эдийн засгийн орчин, хууль, дүрэм журам, хамтын ажиллагааны боломжуудыг танилцуулах юм.
Үүнд оролцсоноор хоёр орны олон улсын худалдаа, тээвэр ложистик, хил боомт, гадаад хөрөнгө оруулалт, татварын орчны талаарх мэдээллүүдийг авах боломжтой.
Түүнчлэн Хятадын хил дамнасан цахим худалдааны чөлөөт бүсийн судалгаагаар мэргэшсэн судлаачдын бүтээл, эрдэм шинжилгээний сүүлийн үеийн мэдээллийг эх сурвалжаас нь авч цаашлаад хоёр талын төр, хувийн хэвшлийн түншлэл, хамтын ажиллагааны багийн гишүүн болох бололцоог уг форум олгох юм байна.
Цаашид энэхүү арга хэмжээг жил бүрийн арваннэгдүгээр сарын 11-нд тогтмол зохион байгуулж, дан ганц Монгол, Хятад гэсэн хоёр улсаар хязгаарлагдахгүйгээр Зүүн өмнөд Азийн эдийн засгийн холбоо буюу АСЕАН-ы орнуудын шинжээч, бизнес эрхлэгчдийг урих төлөвлөгөөтэй байгаа аж.
Форумд бүртгүүлэхийг хүсвэл энд дарна уу.
