Монгол Улсын Засгийн газраас уулын баяжуулах "Эрдэнэт" үйлдвэрт 2019 оны гуравдугаар сарын 6-наас эхлэн зургаан сарын хугацаатай онцгой дэглэм тогтоолоо.
Улс орны эдийн засаг санхүүгийн асуудалд нэн чухал "Эрдэнэт" үйлдвэрт гарсан маргаантай асуудалтай холбогдуулан дээрх шийдвэрийг гаргасан байна.
Ингээд ЗГХЭГ-ын дарга Л.Оюун-Эрдэнэ, Төрийн өмчийн бодлого, зохицуулалтын газрын даргын үүргийг түр орлон гүйцэтгэгч Б.Ганбат нарын холбогдох албаныхан өчигдөр Эрдэнэт хотод очсон юм.
Энэ үеэр "Эрдэнэт" үйлдвэрт очиж Засгийн газрын 91 дүгээр тогтоолыг танилцуулаад эрх бүхий долоон албан тушаалтныг чөлөөлж, есөн өрөөг лацадлаа.