LendMN Банк Бус Санхүүгийн Салбарын шилдгээр шалгарлаа
Монгол улсын санхүүгийн салбарт технологид суурилсан анхны Финтек үйлчилгээг нэвтрүүлээд байгаа АНД Глобал компанийн “LэндМН ББСБ” Монголын Банк Бус Санхүүгийн салбарын “Шилдэг бүтээгдэхүүн үйлчилгээтэй байгууллага”-аар шалгарлаа.
ЛэндМН ББСБ нь хэрэглэгчдэд ямар ч барьцаа төлбөргүйгээр хүссэн үедээ гар утсаараа зээл авах цоо шинэ санхүүгийн үйлчилгээг хурдан, шуурхай, тусч хэлбэрээр хүргэж богино хугацаанд 20,000 гаруй харилцагчидтай болоод байгаа юм.
Cанхүүгийн зах зээлд шилдэг инноваци, олон улсын жишигт нийцсэн үйлчилгээний стандартыг нэвтрүүлэн цахим зээлийн үйлчилгээг хүргэж байгаа тус байгууллагыг өндрөөр үнэлж Монгол улсад Банк Бус Санхүүгийн Байгууллага үүсэж хөгжсөний 15 жилийн ойг тохиолдуулан энэхүү нэр хүндтэй шагналыг олгосон байна.
Технологи болон санхүүгийн чиглэлээр Филиппин болон Япон зэрэг улсуудад үйл ажиллагаагаа өргөжүүлэхээр төлөвлөн ажиллаж байгаа Анд Глобал компани, ЛэндМН ББСБ-ийн хамт олонд шинэ ондоо илүү их амжилт бүтээлээр дүүрэн байхыг хүсэн ерөөе.
