ФОТО: “Оюутолгой” ХХК Засгийн газарт техник, тоног төхөөрөмжүүдийг хандивлалаа
“Оюутолгой” компани ой хээрийн түймэртэй тэмцэх, урьдчилан сэргийлэх үйл ажиллагааг дэмжиж, Байгаль орчин, аялал жуулчлалын яамаар дамжуулан тодорхой нэр төрлийн техник, тоног төхөөрөмж, хувцас хэрэглэлийг холбогдох албаныханд хандивлалаа.
Мөн “Ланд крүзер”, 12 тоннын багтаамжтай том оврын ус тээвэрлэх зориулалттай автомашин тус бүр нэгийг байгалийн гамшигтай тэмцэх үйл ажиллагаанд 2 сарын хугацаагаар ашиглуулахаар хүлээлгэн өгөв.
"Ой, хээрийн түймрээс сэргийлэх, тэмцэх тоног төхөөрөмжгүйгээр ямар байдалд хүрэх вэ гэдгийг харуулсан зун боллоо"
Үүнтэй холбогдуулан БОАЖЯ-ны Төрийн нарийн бичгийн дарга Ц.Цэнгэл хэлсэн үгэндээ “Дэлхийн дулаарал эрчимжиж буй өнөө үед Төв Азийн өндөрлөгт орших Монгол орны хувьд бусад улстай харьцуулахад 2 дахин илүү явагдаж байгаа.
Ер нь ой, хээрийн түймрээс урьдчилан сэргийлэх, тэмцэх техник, тоног төхөөрөмжгүйгээр ямар байдалд хүрэх вэ гэдгийг харуулсан зун боллоо. Өнөөдөр ч хоёр газарт түймрийн цурам арилаагүй байгаа.
“Оюутолгой” компанийн хандивын үйл ажиллагаа нийгмийг уриалсан чухал арга хэмжээ болж байна” гэсэн юм.
"Австралийн онцгой байдал эрхэлсэн байгууллагаас мэргэжлийн туслалцаа ирүүлэх боломж судалж байна"
Харин “Оюутолгой” компанийн гүйцэтгэх захирал Армандо Торес ой хээрийн түймэр мал аж ахуйн салбар, цаашлаад улсын эдийн засагт ихээхэн хор хохирол учруулахаар байна.
Үүнээс гадна хэдхэн хоногийн өмнө тус компанийн санхүүжилттэй “Говийн оюу хөгжлийг дэмжих сан”-гаас 53 сая төгрөгийн үнэ бүхий хувцас, хэрэглэлийг ОБЕГ-т хүлээлгэн өгсөн байна.
Мөн үеэр БОАЖЯ-наас Монголын аялал жуулчлалын холбоо, Монголын байгаль орчны иргэний зөвлөл болон Монголын самарчдын холбоотой тэргүүтэй хувийн хэвшлийнхний хандиваар худалдаж авсан автомашиныг ойн хээрийн түймрийн хамгийн өндөр эрсдэл бүхий Сэлэнгэ аймгийн Мандал сумын Сум дундын ойн ангид хүлээлгэж өглөө.
Фото сурвалжилга
Гэрэл зургийг Mpa.mn
