Японы мэргэжлийн сүмо бөхийн дэвжээнд түүхэн амжилт үзүүлээд байгаа Хакүхо М.Даваажаргал өчигдөр эх орондоо ирлээ.
Тэрбээр “Чингис хаан” олон улсын нисэх онгоцны буудалд 19:30 цагт буусан юм. Онгоцноос буугаад тэр даруйдаа хэвлэлийнхэнтэй уулзалт хийсэн юм.
Ойрын зорилго бол ёкозүна цолтой хамгийн олон башё барилдсан их аварга Китанонимийн тогтоосон 63 башёг ахиулах, мөн дээд зиндаанд 1,000-с дээш даваа авах гэх мэт тодорхой хэмжээний шат ахиулсан зорилгууд бий.
Дээд зиндаанд 1,000 давсан бөх байдаггүй. Үүнээс гадна энэ долдугаар сарын башёд арав дахь жилдээ барилдлаа. Доод зиндаанд шавь маань барилдаж, түрүүлсэн сайхан үйл явдал болсон" хэмээн ярьж байлаа.
Хакүхо М.Даваажаргал 39 дэх түрүүгээ хүртэж, 1,050 дахь даваагаа авч бүх цаг үеийн түүхэнд хамгийн олон даваа авсан сумоч болоод байгаа билээ.
Гэрэл зургийг mpa.mn