НИТХ-ын төлөөлөгч болох зорилго

Би Улаанбаатар хотод төрж өссөн, энэ л хотдоо тасралтгүй ажиллаж амьдарч байгаа болохоор энэ хот ямар байснаас хэрхэн өөрчлөгдөхийг харсан. Энэ бүх өөрчлөлт хэдийгээр хөгжил дэвшилтэй холбоотой ч оршин суух эрүүл аюулгүй орчин, зөв төлөвлөлттэй орчин үеийн хот, түүний зайлшгүй хэсэг болсон түргэн зорчих боломжтой зам гудамж бидэнд маш их дутаж байна. Энэ бүх асуудлыг шийдэж чадахгүй, шийдвэрлэх гэж зарцуулж гаргаж байгаа бүх хөрөнгө мөнгө нь үргүй зардал болсоор байгаа нь хотод чадварлаг нэгдсэн удирдлага, мэргэжилтнүүдийн баг дутагдсаных юм.

Ийм учраас хотын унаган хүүхдүүд, хотын хөгжлийн чиглэлийн мэргэжилтнүүдийн багт нэгдэн, зөв урбанист чиг хандлагыг төрөлх хотдоо хэрэгжүүлэхээр энэ удаагийн сонгуульд оролцож байгаа юм.

Би улсын хэмжээний том компанудыг зөв бүтэцтэйгээр, эдийн засгийн үр ашигтай байхаар төлөвлөж зохион байгуулах ажлыг хийн томоохон төслүүдийг удирдаж ирсэн туршлагатай учраас хот хэмээх том аж ахуйн ажлыг зохистой удирдан зохион байгуулахыг зорьж байна.

Бид, хотын иргэд өөрсдийн тайван аюулгүй амьдрал, түгжрэлгүй зорчих гудамж зам, шороо тоос, утаагүй агаарынхаа төлөө энэ эерег өөрчлөлтийг авчирч чадах нарийн судалгаа, төлөвлөгөөтэй мэргэжилтнүүдийн багтай нь хамт хотын даргаа өөрсдөө сонгох түүхэн боломжийн өмнө ирээд байна.