2020 оноос Нийслэлийн иргэдийн хурлын төлөөлөгчөөр сонгогдож Улаанбаатар хотын агаар, хөрсний бохирдол, замын түгжрэлийг шийдэх төсөл хөтөлбөрүүдийг санаачилсан байна. Тухайлбал 2021-2024 Нийслэлийн орон сууцны корпорацын гүйцэтгэх захирлаар ажиллах хугацаандаа:

1. Нийслэлд анх удаа дотоод бонд гаргаж 2000 орчим иргэнийг орон сууцанд оруулжээ.

2. Улаанбаатар хотын дэд төвүүдийг хөгжүүлэхээр ‘’Улаанбаатар хотын түгжрэлийг бууруулж, гэр хорооллыг орон сууцжуулах’’ тухай хуулийг батлуулсан байна.

3. Сэлбэ дэд төвийг түшиглэн гэр хорооллыг орон сууцжуулах төслийн хүрээнд 12 мянган айлын орон сууцны төслийг эхлүүлжээ.

4. Улаанбаатар хотод түрээсийн орон сууцны олон талт хэлбэрийг амжилттай хэрэгжүүлэв.

5. Ашиглалтын шаардлага хангахгүй орон сууцуудыг буулгаж, дахин төлөвлөн иргэдийг эрүүл аюулгүй орчинд амьдрах нөхцөлөөр хангажээ.

6. Эрчим хүчний хэмнэлттэй төслүүдийг дэмжиж Улаанбаатар хотод анх удаа дулааны төлбөр төлөхгүйгээр амьдарч болох загвар орон сууцыг ашиглалтад оруулсан.

7. Улаанбаатар хотын шинэ суурьшлын бүсийг тэлэх ажлын хүрээнд Төр, хувийн хэвшлийн түншлэлтэй хамтран томоохон төслүүдийг эхлүүлэв.

8. Улаанбаатар хотод орлогод нийцсэн ногоон орон сууцны төслийг хэрэгжүүлж 800 айлын орон сууцыг барьж эхлүүлсэн юм.