ФОТО: ОХУ-ын Гадаад Хэргийн сайд С.В.Лавров тусгай үүргийн нислэгээр ирлээ

Оросын Холбооны Улсын Гадаад Хэргийн сайд Сергей Викторович Лавров манай улсад албан ёсны айлчлал хийхээр "Чингис Хаан" олон улсын нисэх буудалд тусгай үүргийн нислэгээр өнөөдөр өглөө ирлээ.

Тэрбээр Монгол Улсын Гадаад  хэргийн сайд Л.Пүрэвсүрэнтэй ганцаарчилсан уулзалт, албан ёсны хэлэлцээ хийнэ.

Мөн Ерөнхийлөгч Ц.Элбэгдорж, Ерөнхий сайд Ч.Сайханбилэг нарт тус тус бараалхана.

Түүнчлэн Оросын Холбооны Улсын  Гадаад хэргийн сайд С.В.Лавров "ОХУ-ын Зүүн Азид явуулж буй гадаад бодлого" сэдвээр лекц унших юм байна.