ФОТО: Их Жанжин Д.Сүхбаатарын хөшөөнд цэцэг өргөж, хүндэтгэл үзүүллээ
Их Жанжин Д.Сүхбаатарын мэндэлсний 123 жилийн ойн өдрийг тохиолдуулан МАН-ын удирдлага, гишүүд дэмжигчид хөшөөнд нь цэцэг өргөж, хүндэтгэл үзүүллээ.
Энэ үеэр МАН-ын дарга М.Энхболд хэлэхдээ:"Д.Сүхбаатар МАН-ын анхны мөрийн хөтөлбөрийг батлах, намын Төв Хороог байгуулах анхдугаар их хурлын хуралдааныг даргалж, Хиагтыг чөлөөлж, ардын хувьсгалын анхны ялалтыг биечлэн удирдаж зохион байгуулсан юм.
1921 оны 4 дүгээр сард гаргасан Монгол Ардын Түр засгийн газраас дагаж ажиллах дүрэмд: “Засгийн тэргүүлэгч дарга нь энгийн цагт Д.Бодоо бөгөөд байлдааны цагт Д.Сүхбаатарт шилжих тул цэрэг байлдааны хэргийг жанжин эрхэм эрхэлмүй” хэмээн зааснаас үзэхэд тодорхой хугацаанд Засгийн газрыг тэргүүлж байжээ хэмээн үзэж болно. Тэрбээр Ардын хувьсгалын бүрэн ялалтыг хангах ажлыг оройлон манлайлсныг хэнбугай ч үгүйсгэх учиргүй юм" гэв.
