Тэд ингэж боддог...

2018 оны байдлаар Монголын нийт хүн амын 30.94 хувь буюу 1,002,052 нь 0-14 насны хүүхэд байна. 

Хүүхэд гэдэг гэр бүлийн хамгийн нандин, хамгийн эрхэм үнэт зүйл юм. Тэд энэ дэлхий дээр жаргаж, бусдаар хайрлуулах гэж л ирсэн бөгөөд өөрсдийн гэсэн үзэл бодолтой бяцхан зүрхнүүд билээ. 

Тиймээс энэ жил манай улс 66 дахь жилдээ тэмдэглэх гэж буй олон улсын хүүхдийн эрхийг хамгаалах өдрийг тохиолдуулан хүүхдүүдийн дуу хоолойг сонсох үүднээс дараах зургаан асуултад хариулт авснаа хүргэж байна.

Зураг болон хариултуудыг эцэг, эхийнх нь зөвшөөрлөөр нийтэлсэн болно.  

---

1. Аав ээж нь чамд ямар үг хэлбэл хамгийн гоё байдаг вэ?

Хайртай шүү гэж хэлэх гоё.

Хичээгээрэй. Миний охин гоё бүжиглэх юм аа. Бүжгээ битгий хаяарай гэж хэлбэл гоё байдаг. Би бүжиглэх их дуртай.

Инээгээд хэлбэл гоё байдаг ш дээ.

Хайртай шүү гэж хэлэхийг нь сонсох дуртай.

Инээж ярьсан бүх юм нь сайхан байдаг.

---

2. Гэр бүлээрээ юу хийх хамгийн гоё санагддаг вэ?

Тоглох гоё.

Хамтдаа л байвал гоё.

Тоглож наадах дуртай.

Хамт суугаад ярих, хамтдаа аялалд явах гоё байдаг.

Гэр бүлээрээ хамт байгаа нь л гоё.

---

3. Чиний бодлоор хүчирхийлэл гэж юу вэ?

Зодно.

Зодоон цохион.

Хүүхдээ яагаа ч үгүй байхад нь согтууруулах ундаа хэрэглэж, зодохыг хэлдэг.

Хүүхдийг хийгээгүй хэргийнх нь төлөө загнаж байгаа бүх зүйлийг хүчирхийлэл гэж боддог.

Хүүхдийн хийхийг хүсэхгүй байгаа юмыг албадан хийлгэж, хууль зөрчихийг хэлнэ.

---

4. Хүчирхийллийг тэгвэл ямар хүмүүс хийдэг гэж боддог вэ?

Согтуу хүн.

Бага байхдаа хүчирхийлэлтэй кино үзэж байсан хүмүүс том болоод хүчирхийлэл хийдэг.

Муу хүмүүс хийдэг.

Томчууд.

Буруу зүйл хийдэг, буруу ойлголттой хүмүүс үйлддэг.

---

5. Бүх хүүхэд яаж амьдраасай гэж хүсэж байна вэ?

Дандаа инээвэл гоё.

Хөгжилтэй, аюулгүй, аз жаргалтай амьдраасай гэж хүсэж байна.

Бүх хүүхэд мундаг байгаад инээж амьдраасай гэж хүсэж байна.

Хүчирхийлэлд өртөхгүй, ээж аавтайгаа халуун дулаан амьдраасай гэж хүсэж байна.

Зөв амьдраад бүгдээрээ аз жаргалтай амьдраасай гэж хүсдэг.

---

6. Удахгүй болох гэж байгаа баярт зориулаад найзууддаа мэндчилгээ дэвшүүлнэ үү?

Найзуудаа хүүхдийн баярын мэнд хүргэе.

Бүх хүүхдүүддээ олон улсын хүүхдийн эрхийг хамгаалах өдрийн баярын мэнд хүргэе.

Хүүхдүүдээ хүүхдийн баярын мэнд хүргэе.

Бүх хүүхдүүддээ олон улсын хүүхдийн эрхийг хамгаалах өдрийн баярын мэнд хүргэе. Сайхан баярлаарай.

Хүүхдүүдээ бүгдээрээ сайхан баярлаарай. Эх үрсийн баярын мэнд хүргэе.