Тогтмол гүйх нь таны биед ЯМАР ӨӨРЧЛӨЛТ ОРУУЛАХ ВЭ?

Гэрэл зургийг MPA.mn

2013 онд хийгдсэн Халдварт бус өвчний эрсдэлт бус өвчний хүчин зүйлийг тодорхойлох судалгаагаар Монголчуудын 22.3% нь хөдөлгөөний хомсдолтой, 15-64 насны хүн амын хоёр хүн тутмын нэг нь илүүдэл жинтэй буюу таргалалттай, таван хүн тутмын нэг нь халдварт бус өвчнөөр өвчлөх эрсдэлтэй хэмээн судлагдсан байна. 

Тогтмол гүйснээр хүний биед ангиогенезис буюу шинээр цусны судас бий болох  нейрогенесис буюу шинээр мэдрэлийн эс бий болох гэсэн хоёр физиологийн процесс явагддаг. 

Саяхныг хүртэл хүн 100 тэрбум мэдрэлийн эстэй төрж эдгээр эсүүд бидний амьралын явцад устан үгүй болж байдаг хэмээн үздэг байсан бол сүүлийн үеийн судалгаанууд шинээр мэдрэлийн эс бидний ой санамж, сурах үйл явцийг хариуцсан тархины гиппокампуст үүсдэг ба энэ нь дасгал , хөдөлгөөн хийхэд ялгардаг мэдрэлийн эсийн шинээр бий болгох, нөхөн төлжүүлэх нейротрофик  фактортой холбоотой хэмээн үзэж байна. Харин шинээр цусны судас бий болох үйл явц нь судасны ханын эндотелийн төлжөлтийн фактортой холбоотой. 

Залуу насанд хүний бие өөрийгөө гадны өвчин үүсгэгчдээс хамгаалах, хариу урвал үзүүлэх чадвар өндөр байдаг. Харин настай хүмүүс амархан өвчилдөг нь хүний дархлаа 20 наснаас хойш жилд 2-3% иар буурдагтай холбоотой.  

Судалгаанд 80 настай 120 дугуйчныг судлахад тэдний дархлаа 20 настай залуугийнх шиг байжээ.

Хэрвээ та тогтмол гүйвэл энэхүү мэдрэлийн эс шинээр үүсч үйл явцыг хурдасгах, дархлаагаа дэмжих боломжтой юм. Дэлхийн эрүүл мэндийн байгууллагаас 18-64 насны хүн 7 хоногт нийт 150 минут дунд зэргийн идэвхтэй дасгал хөдөлгөөн хийхийг зөвлөдөг. 

Дунд зэргийн идэвхтэй  хөдөлгөөн гэдэг нь зүрхний цохилт болон амьсгалыг хэвийн байдлаас илүү түргэсгэхэд чилэгдсэн дасгалууд юм. Жишээ нь усанд сэлэх, хөнгөн гүйх, дугуй унах гэх мэт.  Нэг долоо хоногт 150 минут цуглуулах олон арга бий ч хамгийн тохиромжтой нь ажлын 5 өдөрт өдөрт бүр 30 минут гүйх юм. 

Анхлан гүйгчдэд зориулсан таван зөвлөгөө:

• 1. Гүйхэд эвтэйхэн пүүз өмсөж, тохиромжтой гүйлтийн талбай сонгох
• 2. Гүйхийн өмнө 5-10 минут бие халаалт хийх, Сунгалтын эсвэл хөнгөн хэлбэрийн дасгалууд хийх
• 3. Гүйхдээ толгой, нурууг эгц нэг шугаманд хадгалах. Бөгтийх, толгойг хойш хэт гэдийх зэрэг нь тохиромжгүй юм. 
• 4. Хоёр гараа өөрийн мөрний хэмжээнээс дотогш барьж гүйх.
• 5. Хэвлийн амьсгал. Гүйх явцдаа амьсгалаа хэвлийгээсээ эхлэн авах нь танд удаан гүйх боломжийг олгоно.