2019/09/21
Америк доллар
МОНГОЛ БАНК:
2,667.91₮
B30
УЛААНБААТАР
22°
|
B30
УЛААНБААТАР
23°
|
B30
УЛААНБААТАР
25°
|
11°
19:00
S29
17°
20:00
S31
14°
21:00
S31
12°
22:00
S31
11°
23:00
S31
10°
00:00
S31
01:00
S31
02:00
S31
03:00
S31
04:00
S31
05:00
S31
06:00
S31
Энэ мэдээ хуучирсан буюу 2017/03/02 -нд нийтлэгдсэн мэдээ болно.

Хөгжлийн банкны бондыг “Хуралдай” бондоор солино

Г.Төгс
2017 оны 3 сарын 2
www.mongolianminingjournal.com

Хөгжлийн банкны 5.75%-ийн хүүтэй евро бондын төлбөрийг төлөх хугацаа хаяанд тулсан энэ үед Засгийн газар шинэ бонд гарган төлбөрийг барагдуулахаар боллоо. Ирэх сарын 21-нд евро бондын төлбөрийг барагдуулах ёстой. Засгийн газар энэ сарын 20-нд Хөгжлийн банкны евро бондын төлбөрийг барагдуулахаар “Хуралдай” бонд гаргах саналаа албан ёсоор гаргасан. Шинэ бондоор Хөгжлийн банкны евро бондыг солих юм.

Засгийн газар оны эхэн сараас эхлэн бондын төлбөрийг хугацаанд нь бүрэн төлж чадна хэмээн амлаж байсан боловч яг ямар аргаар төлөх тухайгаа хараахан албан ёсоор мэдээлээгүй байсан юм. Тэгвэл ийнхүү бондын өрийг шинэ бондоор дахин санхүүжүүлэх хувилбарыг хэрэгжүүлэхээр болсон нь тодорхой боллоо. Хөгжлийн банкны 580 сая долларын бонд нь Засгийн газрын баталгаатай гарч байсан юм.

“Хуралдай” бондын нөхцөлийн талаар тодорхой мэдээлэл одоохондоо гараагүй байгаа ч Хөгжлийн банкны 5.75%-ийн хүүтэй евро бондоос илүү өндөр хүүтэй байх магадлалтай юм. Засгийн газрын шинэ бондын нөхцөл, хүүгийн хувь хэмжээний талаар ирэх сарын 1-ний дотор тохиролцохоор байгаа бөгөөд хүүгийн төлбөрийг хагас жил тутамд төлөх юм.  

Сангийн яамны мэдээлж буйгаар Монголын эдийн засгийн нөхцөл байдал харьцангуй сайжирсны сацуу эрдсийн түүхий эдийн үнэ өсч буй тул Хөгжлийн банкны бондыг шинэ бондоор солих ажил амжилттай хэрэгжинэ гэж найдаж байна. Одоо Хөгжлийн банкны бондын эзэмшигчид хуучныг шинэ бондоор солих саналыг хэр дэмжихээс ихээхэн зүйл хамаарах юм.  

Бондын арилжааны менежерээр Хонг Конг дахь Credit Suisse, Лондон дахь JP Morgan ажиллаж байна. 

x