Зарим банк гуравдугаар сарын 15-ны өдрөөс буюу өчигдрөөс эхлэн орон сууцны 5 хувийн зээлийн өргөдөл хүлээн авч эхэлсэн.
Засгын газраас баталсан Ипотекийн зээл санхүүжилтийн ерөнхий журамд зааснаар Улаанбаатар хотын гэр хорооллын дахин төлөвлөлтийн бүс, алслагдсан дүүрэг, 21 аймгийн нутаг дэвсгэрт орон сууц худалдан авах ипотекийн зээлийн хүүг эхний ээлжинд бууруулахаар тусгажээ.
Тухайлбал, нийслэлээс хэрэгжүүлж буй ГЭР ХОРООЛЛЫН ДАХИН ТӨЛӨВЛӨЛТийн хүрээнд дараах байршилд байр худалдан авсан тохиолдолд 5 хувийн ипотекийн зээл олгох юм байна.
Улаанбаатар хотын А зэрэглэлийн бүс, Баянзүрх дүүргийн 14-р хороонд худалдаа үйлчилгээ, сургууль цэцэрлэг, автобусны буудалдаа ойрхон байршилд Цагаан Хуаран Хотхон баригдаж байна.
Хотхондоо 12 давхартай таван блок бүхий 15 орон сууц баригдахаас I болон II ээлжийн 864 айлын орон сууц ашиглалтанд орсон бөгөөд хотын төвд 5 ХУВИЙН ХҮҮТЭЙ зээлд хамрагдан байртай болох боломжийг санал болгож байна.
Зээлийн ерөнхий нөхцөлд 5 хувийн зээлийн хугацаа 30 хүртэлх жил байхаар заасан.
Түүнчлэн Ипотекийн зээл хүсэгч өөрийн өмчлөлд байгаа сууцыг барьцаа болгон журамд заасны дагуу ипотекийн зээл авч, шинээр худалдан авах орон сууцны урьдчилгаа төлбөрийг төлж болохоор байгаа юм.