"Хүүхэд харагч" бэлтгэх сургалт өнөөдрөөс эхэллээ
УИХ-аас баталсан Хүүхэд харах үйлчилгээний тухай хуулийн дагуу хүүхэд харагчийг бэлтгэх сургалтыг 9 дүүргийн Хүүхэд гэр бүлийн хөгжлийн төв зохион байгуулах юм байна. Хүүхэд харагчийг бэлтгэх эхний сургалт 2016.01.15-22 өдрүүдэд зохион байгуулагдах болно. Сургалтад хамрагдах иргэд дүүргийнхээ Хүүхэд гэр бүлийн хөгжлийн төвд дараах баримт бичгийг бүрдүүлж бүртгүүлэх ёстой юм.
Бүрдүүлэх бичиг баримтууд:
- Иргэний үнэмлэх буюу нотариатаар гэрчлүүлсэн хуулбар
- Боловсролын үнэмлэх, диплом, гэрчилгээний эх буюу нотариатаар гэрчлүүлсэн хуулбар
- Халдварт болон сэтгэцийн өвчингүйг тодорхойлсон эмнэлгийн байгууллагын дүгнэлт /Дүүргийн ЭМБ-аас гаргуулах/
- Гэмт хэрэгт холбогдож байгаагүйг нотолсон цагдаагийн байгууллагын тодорхойлолт /ДХГБХТ-өөс нэгдсэн байдлаар гаргуулах/
- Сургалтын төлбөр төлсөн баримт
Хэрвээ та “Хүүхэд харах үйлчилгээ” эрхлэх хүсэлтэй бол дүүргийн хүүхэд гэр бүлийн хөгжлийн төвд бүртгүүлж, дүүргийн Хүүхэд гэр бүлийн хөгжлийн төвөөс зохион байгуулах "Хүүхэд харагч"-ийн сургалтад хамрагдаж, гэрчилгээ авах ёстой юм. Мөн хүүхэд харах үйлчилгээ эрхлэх байрны дүгнэлтийг Хорооны Засаг даргын ахалсан багаар гаргуулах шаардлагатай. Үүний дараа хорооны Засаг даргын дүгнэлтэд үндэслэсэн Дүүргийн Засаг даргын захирамж гарах юм байна.
Энэ тухай дэлгэрэнгүй мэдээллийг Нийслэлийн Хүүхэд гэр бүл хөгжлийн газрын 70118835 дугаарын утсанд хандаарай гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Сургалтын хуваарь
| Д/д | Дүүрэг | Сургалтын хугацаа | Сургалтад хамрагдах хүний тоо | Сургалт зохион байгуулах байр | Холбогдох утас |
| 1 | Хан-уул | 2016.01.15-19 | 50 хүн | 60-р сургууль | 98211727 |
| 2 | Чингэлтэй | 2016.01.16-20 | 25 хүн | 16 хороо, 14 хороо | 98648086 |
| 3 | Сүхбаатар | 2016.01.18-22 | 75 хүн | 3 сургууль | 11-357645 |
| 4 | Сонгинохайрхан | 2016.01.17-21 | 75 хүн | 62-р сургууль | 96440047 |
| 5 | Баянгол | 2016.01.16-20 | 75 хүн | 51 сургууль | 21245255 |
| 6 | Баянзүрх | 2016.01.16-20 | 125 хүн | Цэцээ гүн | 70005494 |
| Нийслэл | 2016.01.15-22 | 425 хүн | 70118535 |
