Япон Улсын Ерөнхий сайд Шинзо Абэ айлчлалынхаа хүрээнд Монгол Улсын Их Хурлын чуулганы нэгдсэн хуралдааны танхимд саатсан байна.
Тэрбээр үдээс хойших чуулганы хуралдааныг хүндэт зочны суудлаас сонирхон, УИХ-ын гишүүдтэй мэндчилжээ.
Айлчлалын хөтөлбөрийн дагуу Шинзо Абэ Төрийн ордноос Япон цэргийн дурсгалын цогцолбор руу хүндэтгэл үзүүлэхээр явсан бөгөөд энэхүү үйл ажиллагаа нь хэвлэл мэдээллийнхэнд хаалттай болж байгаа аж.
Япон цэргийн дурсгалын цогцолборт хүндэтгэл үзүүлсний дараа Япон улсын Элчин сайдын өргөөнд саатах бөгөөд тэндээсээ Чингис хаан олон улсын нисэх буудал руу явснаар энэ удаагийн албан айлчлал өндөрлөнө.