Суутнуудын АРДЧИЛЛЫН тухай ЭШЛЭЛҮҮД

Р.Түвшин, iKon.mn

2015 оны 10 сарын 19

iKon.MN

Түүхэн хүмүүс, суутнууд ардчиллыг юу гэж тодорхойлж байв?

“Хөрөнгөгүй, ядуу нэгэн засгийн эрх барихыг ардчилал гэнэ” Аристотель
“Ардчилсан засаглалтай үед ядуус нь баячуудаас илүү хүчтэй байдаг. Учир нь тэд олонх болдог, олонхийн хүсэл бол хамгийн хүчтэй нь” Аристотель
“Ардчиллын эсрэг дүгнэлт гаргах хамгийн сайн арга бол дундаж сонгогчтой таван минут ярилцах” Уинстон Черчилль
“Ардчилал бол социализмд хүрэх зам” Карл Маркс
“Сонгогчид нь сонголтоо ухаалгаар хийхэд бэлэн болоогүй цагт ардчилал амжилтанд хүрэхгүй. Тиймээс ардчилалын хамгаалагч нь боловсрол юм” Фрэнклин Рузвельт
“Ардчилал ба социализм хоёр ганцхан зүйлээр ижилсдэг нь тэгш байдал. Гэхдээ ардчилал нь эрх чөлөөг тэгшитгэдэг бол социализм нь дарангуйлал, боолчлолыг тэгшилдэг” Алексис де Токвилль
“Дарангуйлал, эсвэл ардчиллын аль нь ч байсан адилхан үгүйрэл хоосрол авчирч байвал үхсэн хүмүүс, өнчирсөн хүүхдүүд, орон гэргүйчүүдэд ямар ялгаа байх вэ?” Махатма Ганди
“Ардчилал нь социализмд зайлшгүй хэрэгтэй зүйл” Владимир Ленин
“Хувцас загварт жинс нь ардчиллыг төлөөлдөг” Жиоржио Армани
“Онолын хувьд ардчилал шиг сайхан зүйл байхгүй, харин бодит амьдрал дээр энэ бол төөрөгдөл юм” Бэнито Муссолини
“Дэлхийг аврах ганцхан зам бол социализм. Гэхдээ ардчилал дотор агуулагдсан, диктаторгүй социализм” Хьюго Чавес
“Дарангуйллын шилдэг зэвсэг бол нууцлал, харин ардчиллын шилдэг зэвсэг бол нээлттэй байдал байх ёстой” Нильс Бор
“Ардчилал заримдаа цусанд хутгалдах хэрэгтэй болдог” Августо Пиночет
“Би боол болохыг хүсэхгүй, эзэн болохыг бас хүсэхгүй. Энэ бол миний ардчиллын тухай ойлголт” Абраам Линкольн
“Ардчилал бол бидний байгуулсан засаглалаас илүү сайн засаглал байхгүй гэдгийг батлах багаж юм” Бернард Шоу
“Ардчилсан нийгэмд нэг сонгогчийн саналыг орхигдуулах нь бүх сонгогчдыг эрсдэлд оруулдаг” Жон Кеннеди
“Оросын ардчилал бол өөрийн уламжлал, өөрийн засаглал бүхий Орос хүмүүсийн хүч чадал юм. Харин гаднаас нэвтрүүлэх ямар нэг стандарт биш” Владимир Путин