Уншиж байна ...
Зураг
Зураг
ХУУЧИРСАН МЭДЭЭ: 2015/10/15-НД НИЙТЛЭГДСЭН

Хоёр орны төрийн тэргүүнүүд ганцаарчилсан уулзалт хийв

President.mn
2015 оны 10 сарын 15
President.mn
Зураг зураг

ХБНГУ-ын холбооны Ерөнхийлөгч Иоахим Гаукийг албан ёсоор угтах ёслолын дараа Монгол Улсын Ерөнхийлөгч Ц.Элбэгдорж  болон Монгол Улсад төрийн айлчлал хийж байгаа Холбооны Ерөнхийлөгч Иоахим Гаук  нар Төрийн ёслол хүндэтгэлтийн гэр өргөөнд ганцаарчилсан уулзалт хийлээ.

Уулзалтын үеэр Холбооны Ерөнхийлөгч И.Гаукийн энэхүү айлчлал Монгол Улсад ардчилсан, анхны чөлөөт сонгууль явуулсны 25 жилийн ой, баруун, зүүн хоёр Герман нэгдэж ХБНГУ байгуулагдсаны 25 жилийн ой тохиож буй 2015 онд хэрэгжиж буйгаараа онцлог юм гэдгийг талууд тэмдэглэж байв. ХБНГУ нь Монголын ардчиллыг анхнаас нь дэмжсэн орны нэг бөгөөд Европ дахь гол түнш юм.

Хоёр орны хооронд уламжлалт найрсаг харилцаа, хамтын ажиллагаа гүнзгийрэн хөгжиж байгаа талаар Монгол Улсын Ерөнхийлөгч, ХБНГУ-ын холбооны Ерөнхийлөгч нар ганцаарчилсан уулзалтын үеэр тэмдэглэн ярилцлаа.