БОНХАЖ-ын Дэд сайд М.Хүрэлсүх Япон Улсын Марубэни компорацийн төлөөлөгчийн газрын дарга ноён Ёшида, түүний Монгол дахь төлөөлөгч Д.Баярсайхан нарыг хүлээн авч уулзлаа.
Дэд сайд М.Хүрэлсүх нийгмийн олон тал дээр хамтран ажилладаг Япон Улсын Засгийн газарт талархлаа илэрхийлээд радарын станцын төсөлтэй хурдан танилцаж, ажил хэрэг болгоно.
Гадаад хэргийн яамаараа дамжуулан хариуг хурдан хүргүүлж тун удахгүй станцуудынхаа нээлтэн дээр хамтдаа зогсоно гэж найдаж байна гэлээ. Энэхүү төслийн хүрээнд 1997 онд Морин уулын гамшигийн аюулаас урьдчилан сэргийлэх радарын станцыг барьсан байна.
Станц нь эргэн тойрондоо ойролцоогоор 400 км зайд байгаа үүлийг илрүүлэх, түүний шилжилт хөдөлгөөнийг тасралтгүй ажиглах, мөн 150 км радиуст байгаа үүлэнд зүсэлт хийж үүлний нягт, услагийн хэмжээ, аянга цахилгаан, салхины хурд чиглэлийг тодорхойлох хүчин чадалтай ажээ.