Оросын зэвсэг Ираныг дийлдэшгүй болгоно

ОХУ Иранд хамгийн орчин үеийн агаараас хамгаалах систем нийлүүлэх болсон нь тодорхой байна.

Хэдийгээр Ираны цөмийн хэлэлцээр эцэслээгүй, зарим хоригууд нь хэвээр үйлчилж байгаа ч Москва S-300 агаараас хамгаалах системээ Тегеранд нийлүүлэхээр болжээ.

Хэрвээ энэ наймаа хийгдвэл Иран улс нь гадны улсуудын агаарын довтолгооноос өөрийгөө хамгаалах маш өндөр чадавхитай болно.

Дараах зурган дээр (Reuters graphic) S-300 систем хэрхэн ажилдгийг харуулав.

 

S-300 систем нь дөрвөн авто машинаас бүрдэх ба онгоц болон пуужинг илрүүлэхээс эхлээд устгах хүртэл бүх ажиллагааг хийх чадвартай.

Харвасан пуужин нь 10 метрээс 27 км хүртэл өндөрт 10,000 км/цаг хүртэл хурдтай яваа ямар ч объектыг сөнөөх чадвартай. Олон байг зэрэг илрүүлж устгах чадвартай энэ зэвсэг нь бай тус бүрт хоёр пуужин харваж дээд, доод хоёр талаас нь цохилт өгдөг гэнэ.

АНУ-ын цэргийн мэргэжилтнүүдийн үзэж байгаагаар Иран S-300 системтэй болсноор тоглоомын дүрмийг өөрчилж бүх дөрөвдүгээр үеийн онгоцнуудыг устгах чадвартай болж байгаа юм. Израйлийн байлдааны онгоцнуудаас бүрэн хамгаалагдах бол АНУ-ын ихэнх онгоцноос мөн хамгаалагдаж байна.

Хэрвээ АНУ Иранд довтлох бол маш зардал өндөртэй дайн болж дан тавдугаар үеийн онгоц хэрэглэхээс өөр аргагүй болох юм.

Хэчнээн тавдугаар үеийн онгоц байлаа ч S-300 систем нь хөдөлгөөнт зэвсэг тул олж илрүүлэн устгах аргагүй гэнэ.

ОХУ-ын энэ наймааг АНУ, Израйль зэрэг Ирантай дайсагнагч орнууд эрс шүүмжилж байгаа ч галт тэрэг нэгэнт хөдөлсөн гэж мэргэжилтнүүд үзэж байна.

Эх сурвалж: BI