«Хүний хөгжил» сангаас хүүхдийн мөнгөнд 238.4 тэрбум төгрөг олгожээ

Үндэсний статистикийн хороо cap бүр Монгол Улсын нийгэм эдийн засгийн байдлын талаар мэдээлэл хийдэг билээ. Тус хорооноос 2014 оны урьдчилсан үзүүлэлтийг танилцуулсан юм.

Монгол Улсын хүн амын тоо өнгөрсөн оны эцэст 2995949 болж, өмнөх оныхоос 65672 хүн буюу 2.2 хувиар өсчээ.

Улсын хэмжээнд 82839 хүүхэд төрсөн нь өнгөрөгч он түүхэнд хамгийн олон хүүхэд мэндэлсэн жил болж байгаа аж.

Түүнчлэн Нийгмийн халамжийн сангаас 2014 онд 208.5 мянган хүнд 142.5 тэрбум төгрөгийн тэтгэвэр, тэтгэмж олгосон байна.

18 хүртэлх насны 994.1 мянган хүүхдэд 238.4 тэрбум төгрөгийг хүүхдийн мөнгөнд олгожээ.

Тэтгэвэр, тэтгэмж авагчдын тоо өмнөх оныхоос 9.9 мянган хүн буюу таван хувиар, олгосон тэтгэвэрийн хэмжээ 0.6 тэрбум төгрөг буюу 0.4 хувиар өссөн үзүүлэлттэй гарчээ.

Харин "Хүний хөгжил" сангаас өнгөрөгч онд 18 хүртэлх насны 994.1 мянган хүүхдэд 238.4 тэрбум төгрөгийг хүүхдийн мөнгөнд олгожээ.

Статистикийн хорооноос мэдээлснээр хэрэглээний бараа, үйлчилгээний үнэ, улсын хэмжээнд 2014 оны 12 дугаар сард өмнөх сарынхаасаа 0.8 хувь, оны эхнээс 11 хувиар өссөн дүн гарчээ.

Энэхүү өсөлтөд хүнсний бараа, ундаа, усны бүлгийн үнэ дүнгээрээ 1.1 хувь, хувцас бөс бараа, гутлын бүлгийнх 1.5 хувиар өссөн нь голлон нөлөөлжээ.