УИХ, Засгийн газарт нэлээд олон дээлтэй гишүүд хэд хэд бий. Тэдний нэг нь ҮХАА-н сайд Ш.Түвдэндорж. Тэрбээр парламентын гишүүн, сайдаас гадна МоАХ-ны дэд даргын албыг хашдаг байсан.
Тэгвэл өнгөрсөн долоо хоногт МоАХ-ны Удирдах зөвлөлийнхэн хуралдаж Засгийн газрын өөрчлөлтийн асуудлыг ярилцсан байна.
Түүнчлэн нэлээд шүүмжлэлтэй, ширүүхэн болсон хурлын үеэр гишүүдийнх нь улстөрийн идэвх суларсан нь удирдлагуудтай холбоотой гэж үзсэн ажээ.
Тиймээс ҮХАА-н сайд Ш.Түвдэндоржийг МоАХ-ны дэд даргын үүрэгт ажлаас нь чөлөөлсөн байна.
Өөрөөр хэлбэл мань хүний гурван давхар дээлийн нэгийг мулт татсан юм байх.
Гэвч Ш.Түвдэндорж сайдын хувьд хамгийн нимгэн дээлээ тайлсан болохоор энэ өвөл ч алзахгүй биз дээ, хөөрхий.