Обама АНУ-ын гадаад бодлогыг тайлбарлаж байна

Өчигдөр АНУ-ын ерөнхийлөгч Барак Обама Вест Пойнт дахь Батлан Хамгаалахын Академийн төгсөгчдийн өмнө үг хэллээ. Ингэхдээ тэр АНУ-ын дэлхийд эзлэх байр суурийг тайлбарласан олон чухал санааг илэрхийлжээ.

Түүнийхээр бол ирээдүйд АНУ гадаад орнуудад хүч хэрэглэхээс татгалзаж эхэлж байгаа бололтой. Ингээд түүний хэлсэн гол эшлэлүүдийг хүргэж байна.

• Та нар бол 9 сарын 11-нээс хойшх Ирак, Афганистаны дайнд илгээгдэхгүй анхны төгсөгчид болж байна.
• Бид Иракаас цэргээ гаргасан. Одоо Афганистан дахь дайныг дуусгаж байна.
• Асуудлын гол нь Америк тэргүүлэгч хэвээр үлдэх эсэх тухай биш, хэрхэн тэргүүлэх вэ гэдэгт байна.
• Хорин нэгдүгээр зуунд Америкыг тусгаарлах үзэл бол бидний сонголт биш.
• Бидний зорилго бол сурагч охидыг барьцаалдаггүй ертөнцөд хүүхэд, үр ач нараа өсгөж бойжуулах.
• Дэлхийн хоёрдугаар дайнаас хойш бидний хийсэн гол алдаа бол бидний эрээ цээргүй байдалд биш, харин асуудлыг цэрэг зэвсгийн хүчээр шийдэх аргад хэт автсанд байлаа.
• АНУ-ын цэргийн ажиллагаа нь бидний тэргүүлэгч байх бодлогод цорын ганц, тэр ч байтугай голлох үүрэгтэй байх ёсгүй.
• Бидэнд хамгийн сайн алх байгаа учраас асуудал болгон хадаас болж харагдах ёсгүй.
• Энэ оны сүүлээр Афганы шинэ ерөнхийлөгч сонгогдож Америкчуудын хувьд дайн дуусах болно.
• Бидний хийх үйлдэл, арга барил цаашдаа улам бүр ил тод байх ёстой.
• Бид холбоотнуудынхаа хамтаар олон улсын өмнө хүлээсэн үүргээ биелүүлсний үр дүнд Украйнчууд ирээдүйгээ сонгох боломжтой болж байна.
• Та бүгдийн үүрэг бол зөвхөн өөрийн орноо хамгаалах биш, харин зөв, шударга зүйлсийн төлөө ажиллах явдал.

Эх сурвалж: WhiteHouse.gov