ФОТО: "One Championship" холбооны холимог тулааны аварга Б.Энх-Оргил эх орондоо ирлээ
Азийн холимог тулааны хамгийн том холбоо гэж хэлж болох "One Championship" холбооны холимог тулааны ангилалд аваргын бүс зүүсэн Б.Энх-Оргил өчигдөр эх орондоо ирлээ.
Тэрбээр тус холбооны аваргын бүс зүүж буй хоёр дахь монгол тулаанч. Мөн 68.3 кг-ын жинд аваргалсан гурав дахь ази, нийт зургаа дахь тамирчин болсон юм.
Энэ үеэр Б.Энх-Оргил "Эргээд ирэх эх оронтой байна гэдэг үнэхээр сайхан юм. Их хүнд тулаан болсон. Би спортоор хичээллээд 25 жил, холимог тулаанаар дагнаад 13 жил болж байна. Ж.Нарантунгалаг багштайгаа 2012 онд танилцаж байлаа. Багшийнхаа 11 жилийн өмнө үзүүлсэн амжилтыг нь одоо хамтдаа бэлтгэл хийгээд хамт давтсандаа их баяртай байна" гэж сэтгэгдлээ хуваалцав.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
