Өнөөдөр СОНДГОЙ дугаараар төгссөн тээврийн хэрэгслийг замын хөдөлгөөнд оролцуулах хуваарьтай байна
Тээврийн хэрэгслийн улсын дугаарын тэгш, сондгойгоор замын хөдөлгөөнд оролцуулах зохицуулалт өнөөдрөөс мөрдөгдөж байна.
Уг зохицуулалт хоёрдугаар сарын 27-ны өдрийг дуустал үргэлжилнэ.
Өнөөдөр сондгой дугаараар төгссөн тээврийн хэрэгслийг замын хөдөлгөөнд оролцуулах хуваарьтай байна.
Тодруулбал хоёрдугаар сарын 22, 24, 26-нд сондгой буюу 1, 3, 5, 7, 9 дугаараар төгссөн тээврийн хэрэгсэл
Хоёрдугаар сарын 23, 25, 27-нд тэгш буюу 0, 2, 4, 6, 8 дугаараар төгссөн тээврийн хэрэгслүүд замын хөдөлгөөнд оролцоно.
Дугаарын хязгаарлалт 08:00-20:00 цагийн хооронд үйлчилнэ.
Харин бүсчлэлийн хувьд 32-ын тойргоос Маршалын гүүрний уулзвар хүртэл, Таван шарын уулзвараас Офицеруудын ордны уулзвар хүртэлх бүсчлэл дотор тэгш, сондгойгоор хөдөлгөөнд оролцох юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
