"Хөтөлийн цемент, шохойн үйлдвэр, Дарханы төмөрлөгийн үйлдвэрийг олон нийтийн компани болгоно"
Засгийн газрын гишүүд мэдээлэл хийх үеэр Засгийн газрын Хэрэг эрхлэх газрын дарга Д.Амарбаясгалан Хөтөлийн цемент шохойн үйлдвэртэй холбоотой мэдээлэл өглөө.
Тэрбээр "Хөтөлийн цемент, шохойн үйлдвэрийг төр Хөгжлийн Банкны асуудалтай холбогдуулан хурааж авах, байгуулсан гэрээгээ цуцлах, цаашдаа цемент буюу стратегийн ач холбогдолтой бүтээгдэхүүний үнийг барих чиглэлд анхаарал хандуулж байгаа. Одоо богино хугацаанд хэвийн байдалд оруулахаар ажиллаж байна.
Бид хувийн үйлдвэрүүдтэй тэмцээд байгаа хэрэг биш. Хувийн үйлдвэрүүд хүлээсэн үүргээ биелүүлж олон нийтийн өмнө үнийн тогтвортой байдлыг хангаж байх чиглэлийг барьж ажиллаж байгаа.
Засгийн газрын зүгээс Хөтөлийн цемент, шохойн үйлдвэр, Эрдэнэт үйлдвэр, Дарханы төмөрлөгийн үйлдвэр зэрэг томоохон стратегийн ач холбогдолтой компаниудыг зөв голдиролд оруулах, цаашлаад олон нийтийн компани болгох чиглэлээр ажиллана" гэв.
БИЧЛЭГ:
