“Улаанбаатар үндэсний хоолны өдөрлөг”-ийг Сүхбаатарын талбайд маргааш буюу наймдугаар сарын 20-нд зохион байгуулна.
Тус өдөрлөгт хоол үйлдвэрлэлийн чиглэлээр үйл ажиллагаа явуулдаг аж ахуйн нэгжүүд олон төрлийн хоолыг шинээр санаачлан хийж, хоолны цэсээ шинэчлэн оролцох аж.
Өдөрлөгийн үеэр Арт гэр, мастер тогооч нар монгол үндэсний хоол хийж, үзүүлбэр үзүүлэх бөгөөд олон нийтэд тухайн хоолны цэсээ танилцуулахаар төлөвлөжээ. Мөн аж ахуйн нэгжүүд үндэсний үйлдвэрлэлийн нэрийн бүтээгдэхүүн, үндэсний төрөл бүрийн хоол, зууш амттаны үнэгүй амталгаа бэлтгэж, хямд үнээр иргэдэд үйлчлэх юм.
Эх сурвалж: Нийслэлийн сургалт, судалгаа, олон нийттэй харилцах газар