Уншиж байна ...
ХУУЧИРСАН МЭДЭЭ: 2022/08/12-НД НИЙТЛЭГДСЭН

Сингапурын хамтын ажиллагааны байгууллага Монголын нийгмийн халамжийн тогтолцооны өнөөгийн засаглал, хоцрогдлыг үнэлнэ

Т.Саран, iKon.mn
2022 оны 8 сарын 12
iKon.MN
Зураг зураг
УУХҮЯ

Уул уурхай, хүнд үйлдвэрийн сайд Г.Ёндон Монгол Улсын онцлогт нийцсэн хуримтлалын нэгдсэн сангийн тогтолцоог бий болгоход зөвлөх үйлчилгээ үзүүлэхээр ирсэн Сингапурын хамтын ажиллагааны байгууллагын төлөөлөгчдийг хүлээн авч уулзлаа. 

Монгол Улс байгалийн баялгийн үр ашгийг иргэн бүрд тэгш, хүртээмжтэй хүртээх зорилгоор Засгийн газраас Үндэсний баялгийн сангийн тухай хуулийг УИХ-аар батлуулахаар ажиллаж байна. Энэ ажилд өндөр хөгжилтэй Сингапурын туршлагыг нутагшуулахад таатай байгаагаа сайд Г.Ёндон илэрхийлэв.

Тэрбээр, уул уурхайн төрийн өмчит компаниудын ашигт ажиллагааг нэмэгдүүлэх, өндөр үр ашигтай, стратегийн томоохон төслүүд болон хүнд үйлдвэрлэлийг хөгжүүлэх замаар хуримтлалын сангийн мөнгөн урсгалыг арвижуулах нь улс орны хөгжлийг тэтгэгч тулгуур салбарын үндсэн зорилтуудын нэг болохыг онцолсон.

зураг
 
УУХҮЯ

Сингапурын хамтын ажиллагааны байгууллагын Зүүн өмнөд Азийн газрын захирал ноён Тан По Тек найрсгаар угтан авч уулзаж буйд сайд Г.Ёндонд талархал илэрхийлж, Монгол Улсын уул уурхайн салбарын туршлагаас ч мөн харилцан туршлага судлах сонирхолтой байгаагаа илэрхийлсэн. 

Зөвлөх үйлчилгээний багийнхан Монгол Улсад наймдугаар сарын 10-16-ны өдрүүдэд ажиллах юм. 

Ингэхдээ Сингапур Улс Хуримтлалын нэгдсэн сангийн тогтолцоог бий болгож, хөгжүүлсэн туршлагаасаа хуваалцан, Монгол Улсад нэвтрүүлэх боломжтой, хүлээн зөвшөөрөгдсөн хуримтлалын нэгдсэн сангийн тогтолцоог бий болгохын тулд тэтгэврийн сан, нийгмийн халамжийн тогтолцооны өнөөгийн засаглал, бодлогод тулгарч буй бэрхшээл, хоцрогдлыг үнэлж, тодорхойлох юм байна.

 

Эх сурвалж: Уул уурхай, хүнд үйлдвэрийн яам