Уншиж байна ...

Залуучуудын хөгжлийн аян есдүгээр сарын 25-н хүртэл үргэлжилнэ

Г.Мөрөн, iKon.mn
2022 оны 8 сарын 12
iKon.MN
Зураг зураг
Хөдөлмөр, Нийгмийн Хамгааллын Яам

НҮБ-ын Ерөнхий Ассамблей 15 багц арга хэмжээ бүхий “Залуучуудыг дэмжих арга хэмжээний дэлхийн хөтөлбөр”-ийг 1995 онд баталж дэлхий нийт, улс орнуудын удирдлага, олон нийтийн анхаарлыг үүнд хандуулах зорилгоор Олон улсын залуучуудын өдрийг жил бүрийн наймдугаар сарын 12-ны өдөр тэмдэглэж ирсэн.

2022 онд Олон улсын залуучуудын өдөрт “Үе хоорондын эв санааны нэгдэл: Бүх насныханд ээлтэй ертөнцийг бий болгох нь” уриаг дэвшүүлж, Тогтвортой Хөгжлийн Зорилгыг биелүүлж, хөгжлийн гадуур хэнийг ч орхигдуулахгүйн тулд үе үеийнхэн эв нэгдэлтэйгээр, хамтрах шаардлагатайг онцолж байна.

Манай улс залуучуудын өдрийг 2003 оноос хойш хуульчлан тэмдэглэж, жил бүрийн наймдугаар сарын 12-ны өдрөөс есдүгээр сарын 25-нд Залуучуудын хөгжлийн аяныг улс даяар зохион байгуулдаг.

Монгол дахь Нэгдсэн Үндэсний Байгууллагын байранд өнөөдөр энэхүү сарын аяны нээлт цахимаар зохион байгуулагдлаа.

зураг
 
Хөдөлмөр, Нийгмийн Хамгааллын Яам

Хөдөлмөр, нийгмийн хамгааллын дэд сайд С.Зулпхар аяны хүрээнд залуучуудын хөдөлмөр эрхлэлтийг дэмжих арга хэмжээ, үйлчилгээг насны болон хөдөлмөр эрхлэлтийн үйлчилгээний эрэлт, хэрэгцээний ялгаатай байдлыг харгалзан төлөвлөөд байгаа талаар танилцуулж, хэлэлцүүлэг арга хэмжээнд идэвхтэй оролцохыг залууст уриаллаа гэж Хөдөлмөр, Нийгмийн Хамгааллын Яамнаас мэдээлэв.