Сурагчдын XIX олимпын наадам "Гимназиад-2022" Франц улсад зохион байгуулагдаж байна. Манай улс анх удаа оролцож байгаа бөгөөд жүдо бөхийн төрөлд хоёр тамирчин, дасгалжуулагчийн хамт оролцжээ.
Наадмын жүдо бөхийн 57 кг-ын жинд Д.Номин хүрэл медаль хүртсэн байна. Тэрбээр 11 дүгээр ангид сурдаг. Самбо, жүдо бөхөөр хоёр жил хичээллэж байгаа. Жүдо бөхийн өсвөр үеийн Монгол Улсын аварга шалгаруулах тэмцээний хүрэл /2022 он/, Самбо бөхийн Залуучуудын УАШТ алт /2022 он/, Самбо, жүдо бөхийн аймаг, бүсийн аварга болон нэрэмжит тэмцээнүүдийн алт, мөнгө, хүрэл медальтай.
Сурагчдын олимпод 69 орны 3,662 тамирчин спортын 20 төрөлд өрсөлдөж байгаа юм байна.