• 7 сарын 1, Баасан
Уншиж байна ...

А.Ариунзаяа: 18-34 насны залуусыг ажилд дадлагажуулах төслийн бүртгэл тавдугаар сарын 26-нд дуусна

Т.Саран, iKon.mn
2022 оны 5 сарын 20
iKon.MN
Зураг зураг
Гэрэл зургийг mpa.mn

Хөдөлмөрийн зах зээлийн эрэлт, нийлүүлэлтийн зөрүүг ойртуулж, залуусын хөдөлмөр эрхлэлтийг нэмэгдүүлэх зорилгоор Монгол Улсын Засгийн газраас “Оролцоо” төслийг хоёр дахь жилдээ зохион байгуулах гэж байна.

Энэ талаар Хөдөлмөр, нийгмийн хамгааллын сайд А.Ариунзаяа өөрийн цахим хуудсанд бичжээ. 

Тэрбээр "Төр дангаараа залуусын хөдөлмөр эрхлэлтийг нэмэгдүүлэх боломжгүй. Энэ бол төр хувийн хэвшлийн хамтын ажиллагаа.

Тийм ч учраас 2021 онд Оролцоо төслийг олон аж ахуйн нэгж байгууллагууд дэмжиж ажилласан. Аж ахуйн нэгж байгууллагууд оролцоо төслийн залуусыг 14 хоног дадлага хийлгүүлж, ажил олгох өдөрлөгт оролцож, зарим нь байнгын ажлын байраар хангадаг.  Энэ жил илүү олон аж ахуйн нэгж байгууллагууд дэмжин, хамтарч ажиллана гэдэгт итгэлтэй байна. 

Хөдөлмөр эрхлэх хүсэл, эрмэлзэлтэй, 18-34 насны залуус та бүхнийг ажил хөдөлмөрт уриалж, урамшуулж, сургаж, дадлагажуулж, ажлын байранд зуучилъя.

2022 оны тавдугаар сарын 16-26-ны өдрүүдэд E-Mongolia цахим системээр бүртгэнэ" гэжээ.