• 6 сарын 25, Бямба
Уншиж байна ...

Даатгалын хураамжийн орлого энэ оны эхний улиралд 50.5 тэрбум төгрөгт хүрчээ

Б.Билгүүн, iKon.mn
2022 оны 5 сарын 20
iKon.MN
Зураг зураг
Гэрэл зургийг mpa.mn

Даатгалын хураамжийн орлого энэ оны эхний улиралд 50.5 тэрбум төгрөгт хүрснийг Үндэсний статистикийн хорооноос мэдээллээ. 

Даатгалын нөхөн төлбөрт 26.4 тэрбум төгрөг олгосон нь өмнөх оны мөн үеэс хураамжийн орлого 11.5 (29.5%) тэрбум төгрөгөөр, нөхөн төлбөр 13.9 (2.1 дахин) тэрбум төгрөгөөр тус тус өсжээ. 

Даатгалын хураамжийн орлого 2022 оны эхний улиралд өмнөх оны мөн үеэс 11.5 (29.5%) тэрбум төгрөгөөр өсөхөд,

  • гэнэтийн осол, эмчилгээний хураамжийн орлого 3.2 (59.4%) тэрбум төгрөгөөр,
  • авто тээврийн хэрэгслийн даатгалын хураамжийн орлого 3.6 (39.1%) тэрбум төгрөгөөр,
  • хөрөнгийн даатгалын хураамжийн орлого 1.9 (32.7%) тэрбум төгрөгөөр тус тус өссөн нь нөлөөлжээ.

Хураамжийн нийт орлогын 25.4 хувийг авто тээврийн хэрэгслийн даатгал, 17.2 хувийг гэнэтийн осол, эмчилгээний даатгал, 16.8 хувийг жолоочийн хариуцлагын даатгал эзэлж байна.

Даатгалын нийт нөхөн төлбөрийн 32.9 хувийг жолоочийн хариуцлагын даатгал, 25.1 хувийг авто тээврийн хэрэгслийн даатгал, 17.6 хувийг хөрөнгийн даатгал тус тус эзэлж байна.

Даатгуулагчид 2022 оны эхний улиралд 395.8 мянга болж, өмнөх оны мөн үеэс 18.5 (4.9%) мянгаар нэмэгджээ. 

  • 86.2 хувь нь иргэн,
  • 13.8 хувь нь хуулийн этгээд буюу аж ахуйн нэгж, байгууллага байна.