• 6 сарын 28, Мягмар
Уншиж байна ...

Улиастай руу эргэх замд нийтийн тээврийн автобус ачааны машинтай мөргөлдөж, жолооч амиа алдсан осол гарчээ

Г.Мөрөн, iKon.mn
2022 оны 5 сарын 18
iKon.MN
Зураг зураг
Эх сурвалж: ТЦА

Улиастай руу эргэх зам дээр нийтийн тээврийн автобус, ачааны машинтай мөргөлдсөн осол өнөөдөр гарчээ.

Энэ талаар Тээврийн Цагдаагийн Албанаас "2022.05.18-ны өдрийн 12:00 цагийн орчим Баянзүрх дүүргийн нутаг дэвсгэр 23 дугаар хороо, Улиастай руу эргэх зам дээр нийтийн тээврийн автобус, том оврын машин мөргөлдсөн дуудлага мэдээллийн дагуу цагдаагийн байгууллагаас шалгалтын ажиллагааг явуулж байна.

Ослын нөхцөл байдлын тухайд "Daewoo" маркийн автобус Улиастайн уулзвараас хойш 200 метр орчим зайд "Киа бонго" маркийн ачааны автомашинтай мөргөлдөж, "Киа бонго" маркийн автомашины жолоочийн амь хохирсон ноцтой зам тээврийн осол гарсан.

Ослын газарт цагдаагийн болон эмнэлгийн 103, онцгой байдлын шуурхай бүлэг 105-ын бүрэлдэхүүн ажиллалаа.

Хөдөлгөөнд оролцогч та бүхэн Замын хөдөлгөөний дүрмийн өөрт холбогдох заалтыг судалж, мөрдлөг болгон өөрийн болон бусдын аюулгүй байдлыг хангах, анхаарал болгоомжтой хөдөлгөөнд оролцохыг зөвлөж байна" хэмээн мэдээллээ.