Уншиж байна ...

Б.Жавхлан: Хөгжлийн Банканд "Кью Эс Си" компаниас өнөө, маргаашгүй 60 тэрбум төгрөг төлөхөө мэдэгдсэн

Б.Бадамгарав, IKon.mn
2022 оны 5 сарын 11
iKon.MN
Зураг зураг
Гэрэл зургийг MPA.mn

Монгол Улсын Засгийн газрын ээлжит хуралдаан боллоо.

Хуралдаанаас гарсан шийдвэрийг танилцуулж байна.

Сангийн сайд Б.Жавхлан "Өнөөдрийн байдлаар Хөгжлийн Банкны чанаргүй зээлээс 201 тэрбум төгрөг төлөөд байна. Мөн өнөө маргаашгүй 60 тэрбум төгрөгийг "Кью Эс Си" компаниас төлөхөө мэдэгдсэн.

Цаашид Хөгжлийн Банк маш хариуцлагатай байж, хуулиа баримталж ажиллах ёстой. Өөрийн гэсэн хуультай институц тул ил тод, нээлттэй байж, чанаргүй зээл зэрэг асуудлыг гаргаж болохгүй. Саяхан Олон Улсын Валютын Сангийн төлөөлөл манай улсад ажиллахдаа Хөгжлийн Банк ийм байдалтай ажиллавал татан буулгасан нь дээр гэсэн зөвлөмж өгсөн. ОУВС ингэж хэлж байна гэдэг нь олон улсын хөрөнгийн зах зээлд ийм мессэж хүчтэй очиж байгаа. Иймээс энэ онд балансаа сайжруулах, хэвийн байдалд нь оруулж чадна гэдгээ харуулахын төлөө хичээж ажиллана" гэлээ.

Манай улс "Сэргэн мандалт" бондыг 2023 оны аравдугаар сарын 23-нд,  2023 оны арванхоёрдугаар сарын 25-нд "Самурай" бондыг төлөх ёстой юм. Үүнээс "Самурай" бонд нь Засгийн газрын баталгаатай тул чанаргүй зээлийг зээлдэгчдээр яаралтай төлүүлж, уг өрийг татвар төлөгчдийн мөнгөөр төлөх эрсдэлээс сэргийлэхээр холбогдох албаныхан ажиллаж байна.

Шууд үзэх:
https://www.facebook.com/iKonNews/videos/1640277926306134